Кундалик хабарлар - 21 April 2014

• 02:57Мисрда мусулмон-қардошларни таъқиб қилиш давом этмоқда, кеча яна 30 киши қамоққа отилди

  Аввалги хабарларимиздан маълумки, Араб баҳори воқеалари вақтида президент бўлиб сайланган “Мусулмон-қардошлар” ташкилотининг вакили Муҳаммад Мурси ўтган йили ҳарбийлар тарафидан тахтидан йиқитилиб, сўнгра қамалгандан кейин, бу ташкилот аъзоларини таъқиб этиш кампанияси бошланди. Чунки, мусулмон-қардошларнинг мамлакат бўйлаб ўтказган норозилик намойишлари куч ишлатишга ҳам айланиб кетди, кўплаб қурбонлар бўлди, исломчилар ҳеч нарсадан қўрқмасликларини ва чекинмасликларини эълон қилдилар, Муҳаммад...

• 02:20Насронийларнинг пасхаси туфайли Украина жанубида нисбатан тинчлик, аммо руслар Женева Декларациясига риоя қилмоқчимаслар

  Табиий, нисбатан тинчлик ҳақидагина гапириш мумкин. Украинанинг жорийдаги ҳукумати пасха туфайли “тинчлик” эълон қилгани ҳам ўз ролини ўйнади. Бироқ, шанбадан якшанбага ўтар кечаси Донецк вилоятининг Словянск шаҳри атрофидаги Россияга қўшилиш ниятида бўлган маҳаллий руслар тарафидан қурилган блокпостга 4 та автомобилда келган номаълум гуруҳ қуролли ҳужум қилди. Блокпостдагилар ҳам ўқлар билан жавоб бердилар. Украина Ички ишлар вазирлигининг маълумотига кўра, блокпостдаги руслардан 3 киш...

• 22:08Уруш қатнашчилари "Хотира ва Қадрлаш Куни" эмас, фашизм устидан "Ғалаба Куни" муносабати билан мукофотланишлари, йиғлаш эмас, мағрурланишлари керак

  Президент Ислом Каримнинг 18 апрелда имзоланган “Иккинчи жаҳон уруши қатнашчиларини рағбатлантириш тўғрисида” номли фармонида шундай дейилади: “9 май умумхалқ байрами – Хотира ва қадрлаш куни ўтказилиши, шунингдек, 1941-1945 йиллардаги Иккинчи жаҳон урушида фашизм устидан қозонилган Ғалабанинг 69 йиллиги нишонланиши муносабати билан ҳамда уруш қатнашчилари ва ногиронларини моддий рағбатлантириш мақсадида Иккинчи жаҳон уруши қатнашчилари ва ногиронларига 600 000 (олти юз ...

• 21:16Сенсация устига сенсация: Туркиядан депортация қилинган озорбайжонлик журналист ўз мамлакатида жосусликда айбланибди

  Кечаги хабарларимизда озорбайжонлик журналист, рус ва озорбайдон тилларида чиқадиган Зеркало/Айна газетасининг 3 йилдан бери оиласи билан Туркияда яшаб келаётган мухбири Рауф Миркадиров Туркиядан ҳайдаб чиқарилганини эълон қилган эдик. Ҳозир шу газетадан ҳам берилган қисқа хабардан маълум бўлишича, у кеча Бокуга келтирилиши биланоқ аэропортдаёқ ғойиб бўлган, кейин эса Озорбайжон хафсизлик хизматлари тарафидан ушлаб кетилгани билинган. Бугун унинг адвокатига телефон қилган хавфсизлик хизматининг...

• 20:47Яманда ўғирлаб кетилган ўзбек доктор озод қилинди, Ўзбекистоннинг у билан иши ҳам йўқ

  1994 йилдан бери феълан навбатдаги фуқаролар уруши ичида бўлган Яманда ўзбекистонлик доктор 13 апрелда ўғирлаб кетилгани ҳақида ўз вақтида хабарлар тарқатилган эди. У доктор Яманга Россия орқали келгани учун бўлса керак, аввал уни россиялик деб ўйлашди. Кейин, маълум бўлишича, у ўзбекистонлик экан. Тахмин қилиш қийин эмаски, у расмий ҳукуматнинг ёки шу ҳукумат тарафида бўлганларнинг касалхонасида ишлаган ва ҳукуматга қарши уруш олиб бораётган кучлар, масалан, бу мамлакатда кучли мавқега эга б...

• 15:42Буюкбританиянинг баронессаси Саида Варси ёлғон гапирдими ёки Ўзбекистоннинг Turkiston- Рress агентлиги қабиҳлик қилдими?

  Ўзбекларни алдаш учунгина ўзини нодавлат ахборот агентлиги деб таништирадиган, аслида мавжуд режимнинг қўғирчоқларидан бири бўлган Turkiston-Press тарафидан фақат рус тилида 18 апрель куни тарқатилган хабар - шу йил 16-17 апрель кунлари Ўзбекистонда бўлган Буюкбритания Ташқи ишлар ва Ҳамдўстлик масалалари бўйича катта давлат вазири Саида Варси билан ўтказилган суҳбат матнидан иборат. Turkiston-Press изоҳ бермаган бўлса ҳам айтиш керакки, Саида Варси бизнинг стандартлар бўича Буюк Британия Ташқ...

• 14:09Сенсация: Туркия икки озорбайжонлик журналистни ҳайдаб чиқарди

  Озорбайжондаги демократик мухолифатга яқинлиги билан танилган Contact.az cайти хабар беришича, уч йилдан бери Туркиянинг пойтахти Анқарада рухсат билан яшаётган “Зеркало” газетасининг аккредитациядан ўтган мухбири Рауф Миркадиров (расмда) кеча полиция тарафидан ушланиб, Туркиядан депортация қилинибди. Икки ҳафта аввал унинг аккредитацияси бекор қилинган ва 23 апрелгача Туркиядан чиқиб кетиш шарти қўйилган экан. Contact.az cайти мухбирининг айтишича, халқаро мавзуларда мақоллар ёзадиган Рауф М...

• 07:06Украина парламенти қримтатарлар ҳақида қонун қабул қилди, минг афсуски, кечиккан қонун

  Украина парламенти 17 апрель куни ыримтатарларнинг миллий лидери, депутат Мустафа Жамилўғлининг ташаббуси билан “Миллий сифати бўйича депортация қилинганларнинг ҳуқуқларини тиклаш ҳақида” номли қонун қабул қилди, дейилади Қримтатар Халқ Мажлисининг расмий сайтида тарқатилган хабарда. Табиий, бу қонун биринчи навбатда Сталин тарафидан Қримдан қувиб чиқарилган қримтатараларининг ҳуқуқларини тиклаш ҳақидадаир. Бу қонун учун 238 депутат овоз берибди. Бу қонун миллий сифати бўйича депортация қи...

• 02:34Кечагина ўткан кунларимиз: Гўёки оммавий тарибсизликлар ташкил қилган Абдураҳим Пўлатни Ўзбекистонда қандай жазолашган эди? (Тузатилган ва тўлатилган вариант)

  Россия парламенти оммавий тартибсизликлар номи остида ҳар қандай митинг ва намойиш қатнашчиларини оғир жазога тортиш йўлига ўтганини аввалги хабаримизда билдирган эдик. Вақти келгани эслатиш керакки, бундай амалиёт СССР замонида ҳам бор эди. Масалан, “Бирлик” раҳбари Абдураҳим Пўлат 1989 йил 19 март куни ўзбекларни миллат тарихида биринчи марта “Ўзбек тили – давлат тили” шиори остида ўтказилган митингга олиб чиқди. Митинг жуда тартибли ўтганига қарамасдан, Абдураҳим Пўлатга қарши “оммави...

• 02:07Россияда оммавий тартибсизликлар учун 10-15 йилгача қамоқ жазоси беришмоқчи

  Кеча Давлат Думасида “антитеррористик қонунлар” дастаси ичида, кўп ўқиладиган блогларни оммавий ахборот воситасига тенглаб, уларни жиловлаш имкони берадиган қонун қабул қилинганини билдиргандик. Ҳозир маълум бўлишича, яна ўша “антитеррористик қонунлар” дастаси ичида оммавий тартибсизликлар учун маъсулиятни ошириш имкони берадиган қонун ҳам қабул қилинган экан. Нодемократик давлатларда ҳар қандай митинг ёки намойишни оммавий тартибсизликлар деб баҳолаш осон бўлгани сабабли, энди ҳар қандай ми...