19 April 2014
02:34 - Кечагина ўткан кунларимиз: Гўёки оммавий тарибсизликлар ташкил қилган Абдураҳим Пўлатни Ўзбекистонда қандай жазолашган эди? (Тузатилган ва тўлатилган вариант)
Россия парламенти оммавий тартибсизликлар номи остида ҳар қандай митинг ва намойиш қатнашчиларини оғир жазога тортиш йўлига ўтганини аввалги хабаримизда билдирган эдик.

Вақти келгани эслатиш керакки, бундай амалиёт СССР замонида ҳам бор эди.

Масалан, “Бирлик” раҳбари Абдураҳим Пўлат 1989 йил 19 март куни ўзбекларни миллат тарихида биринчи марта “Ўзбек тили – давлат тили” шиори остида ўтказилган митингга олиб чиқди. Митинг жуда тартибли ўтганига қарамасдан, Абдураҳим Пўлатга қарши “оммавий тартибсизликлар ташкил қилиш” айби билан жиноий иш очилди. Апрель-май ойларидаги митингларга минглаб ўзбеклар чиқа бошлагач, расмда кўриб турганингиздек милиционерлар олдинги қаторда юришга мажбур бўлишди , аммо намойишларни тўхтатишга кучлари етмай қолди. Эс-песи чиқиб кетган коммунистик режим Абдураҳим Пўлат устидан очилган жиноий ишни ёпишга мажбур бўлди.

Аммо, ўша йили ёз ойларида КГБ тарафидан Ўзбекистон бошига ўтқазилган тожик аслли Ислом Карим сентябрь-октябрь ойларида Салой Мадамин раҳбарлигидаги асосан ёзувчилардан иборат бирликчиларни сотиб олди ва “Бирлик”ни парчалашга муваффақ бўлди. Cалой Мадамин “митинглар – қўча чангитишдир” дейишгача борган бўлса, унинг ҳаромий югурдакларидан бири Зоҳир Аълам “Абдураҳим Пўлатов халқимизни митинглар йўли билан қонга олиб кетмоқда” деди. Бу миллат хоинларининг хоинлигини тўла исботлаб турувчи сўзлари видеотасмаларга олинган, улар билан “Ҳаракат” сайтига жйлаштирилган “Можаро” ҳужжатли фильмда танишиш мумкин. Вақти келади, улар ўзбек миллати олдида бу қилган ишлари учун жавоб берадилар. Ҳаромийлардан биттаси бўлган Зоҳир Аълам бир неча кун аввал оламдан ўтгани ҳам уни жазодан қутқаролмайди.

Ўшанда, яъни “Бирлик” вақтинча бўлса ҳам кучини йўқотган пайтда, Ўзбекистон Олий Советига сайловлар эълон қилинди. Сотқин ва ҳаромий Салой Мадамин Коммунистик партия рўйхатидан альтернативсиз номзод кўрсатилиб, осонликча парламентга депутат бўлиб олди. Демократликка даъво қилаётган одамнинг коммунистик партия рўйхатидан, бунинг устига альтернативсиз депутат бўлиб сайлангани тарихда ўхшаши бўлмаган воқеадир.

Аммо, Ислом Карим Абдураҳим Пўлатдан қўрқар эди. Шу сабабли, унга қарши март ойида очилган ва кейин ёпилган жиноий ишни қайтадан очдилар. Ўша замондаги қонунларга кўра, устидан жиноий иш очилган одам сайловларда иштирок этолмасди.

Кейинчалик 53-54 лақаби олган Салой Мадамин ва унинг ўз каби ҳаромий ҳамтовоқлари шу йўл билан Ўзбекистонда Ислом Карим раҳбарлигидаги тожиклар режимининг ўрнатилишида ҳал қилувчи роль ўйнадилар.

Ўзбек миллати бу каби ҳаромийларни жазолашни ўрганмас экан, қулликдан чиқолмайди. Ҳозир ҳаромийлик йўлига Носир Зокир ва Ботир Норбой каби бирликчиларнинг ўтиши – бу фикрнинг исботларидан биридир.