19 April 2014
07:06 - Украина парламенти қримтатарлар ҳақида қонун қабул қилди, минг афсуски, кечиккан қонун
Украина парламенти 17 апрель куни ыримтатарларнинг миллий лидери, депутат Мустафа Жамилўғлининг ташаббуси билан “Миллий сифати бўйича депортация қилинганларнинг ҳуқуқларини тиклаш ҳақида” номли қонун қабул қилди, дейилади Қримтатар Халқ Мажлисининг расмий сайтида тарқатилган хабарда.

Табиий, бу қонун биринчи навбатда Сталин тарафидан Қримдан қувиб чиқарилган қримтатараларининг ҳуқуқларини тиклаш ҳақидадаир. Бу қонун учун 238 депутат овоз берибди.

Бу қонун миллий сифати бўйича депортация қилинган шахсларнинг мақомини белгилайди, уларнинг ҳуқуқларини тиклаш бўйича кафолатлар беради, бу ҳуқуқларни тиклаш бўйича давлат сиёсатининг принциплари ва давлат органларининг ваколатларини белгилайди.

Бу қонун лойиҳасини муҳокама қилиш пайтида Мустафа Жамилўғли шундай дебди: “Ўн йиллардан бери фуқаролар ва мамлакат манфаатларини унутган давлат раҳбарларининг амбиция ва ўйинлари туфайли қримтатарларининг овозига ҳеч ким қулоқ солмади.

Украина элитаси реалликдан узоқ бўлган мақсадалар билан яшаб келар экан, Украинанинг душманлари бизнинг давлатимизни йўқ қилиш режаларини тайёрладилар. Энди буни ўз мақсадларидан бошқа ҳеч нарсани ўйламайдиганлар ҳам тушундилар.”

Очиқча айтиш керакки, Мустафа Жамилўғлининг Украина давлати раҳбарлари ҳақида айтганлари “Бирлик” Партияси ва “Ҳаракат” сайти айтиб келаётган гаплар билан бир хилдир. Минг афсуски, Ўзбекистонда Турк дунёсининг душманлари ҳокимлик қилар экан, Ўзбекистон қримтатарларига ёрдам беролмади. Биз ҳам ёрдам беролмадик.

Ҳа, Украина Олий Радасида қабул қилинган қонун кечиккан қонундир. Қрим Россия тарафидан босиб олинганини ҳам ҳисобга олсак, қримтатрларнинг муаммолари камаймади, балки, яна ҳам ортти.

Умид қиламизки, вақти келади, қримтатарлари Турк дунёсининг, жумладан, Ўзбекистоннинг ҳам ёрдамида ўз мақсадларига эришадилар.