21 October 2010
06:15 - Ўтган куни чўккан Dow Jones индекси кеча қаддини ростлашга бошлади
Кечаги хабарларимиздан бирида АҚШда фонд бозорларининг активлигини ёки энг катта 40 ширкат акцияларининг қиймат даражасини кўрсатгичи бўлмиш Dow Jones индекси 19 октябрь куни яна 11 минглик маррадан пастга тушиб, Нью-Йорк биржаси бекилган соатда 10978,62 га тенг бўлгани, бир кунда унинг қиймати 165,07 га, яъни 1.48 фоизга тушганини билдиргандик.

Кеча Dow Jones индекси ўтган кунги мағлубият учун қисман бўлса ҳам “қасос” олди ва бир кунда 129.35 даражага кўтарилиб, Нью-Йорк биржаси бекилган соатда 11,107.97 га тенг бўлди.

Экспертларнинг фикрича, бундай ўсишга АҚШда Марказий Банк ролини ўйнайдиган Федерал Резервнинг мамлакат иқтисоди сўнгги ҳафталарда қийинчлик билан бўлса ҳам ўсиб бораётгани ҳақидаги хабари сабаб бўлган.
Cсылки по теме:
« Олдинги хабар Хабарлар рўйхати Кейинги хабар »