Шу кунларда Отаназар Матчонов ва Ботир Норбойдан алам ва жаҳл устида ёзилган жавоблар келди. Иккаласи ҳам бир тийинга қиммат гаплардан иборат. Авваллари ҳам “Мен билан баҳслашадиган ўзбек ҳали туғилмади”, “Менинг 24 йиллик сиёсий фаолиятим замонида қилинган иккита эмас, битта хато ёки камчилигимни кўрсатинг, ўша заҳоти истеъфога кетаман” деб кўп марта гапирганман.

Бу икки шахснинг хатини ўқиб, ўша гапларим нақадар тўғрилигига яна бир марта амин бўлдим. Иккала хатда ҳам бозордаги пистачка сотувчилар даражасидаги гаплардан бошқа ҳеч нарса йўқ. Ҳа, у ерда менга қарши на битта фикр, на битта факт, на битта жиддий аргумент кўрсатилмайди. Уларнинг савиясини ҳаммага кўрсатиб қўйиш учун, иккала хатга ҳам албатта жавоб ёзаман. Ҳозир эмас. Нимага дейсизми?

Хабарларимздан кўриб тургандирсиз, “Бирлик”ни феълан учинчи марта оёққа турғизмоқдамиз. Тошкент шаҳар ташкилотининг йиғилиши бўлгани ҳақидаги хабарни ўқиган бўлсангиз керак. Шу каби йиғилиш ва конференцияларни ҳамма вилоятларда ўтказиш учун ҳозирлик ишлари олиб борилмоқда Ҳамма ишнинг бошида ўзим турибман. На ухлашга, на овқат ейишга вақт бор. Калласи борлар ўйлаб кўрсин: Биронта ташкилот шу каби йиғилишни Ўзбекистонда қилишни қўйиб туринг, бундай нарсани ўйлашга ҳам қурби етмайди.

Бунинг устига, 11 июнь куни қирғизларнинг элчихонаси олдида “Эй, қирғизлар, қирғиз фашизмини ўзингиз йўқ қилинг, аксинча…” шоири остида пикет ўтказмоқчимиз. Пикетни ўтказолсак ҳам, ўтказолмасак ҳам, бу - Ўзбек миллатнинг тарихида қоладиган воқеалардан бири бўлади. Пикетни бузиш учун нималар қилинаётганини билсангиз эди. Режимнинг МХХсидан ташқари яна ўртада миллат хоинлари – бирдамликчи хунасалар, қирғизлар тарафидан қозоқ қилинган ва ўзбекларни қонга ботирилишига сабабчи бўлган Қодиржон Ботиров ҳамда бошқа майда-чуйдалар бор. Пикет атрофида бўлаётган воқеаларни ҳам вақти келиб ҳаммага билдирамиз.

Бир неча ўзбек ёзувчилари билан шу кунларда телефон орқали гаплашдим. Ўзбеклар қорамолларга айлантирилгани ҳақидаги фикрим мутлақо ТЎҒРИ эканлигини яна бир марта кўрдим.

Хуллас, миллатнинг миллат сифатини тиклашга қаратилган, миллатнинг тақдири, миллатнинг келажагини белгилайдиган ишлар қилмоқдамиз. Отаназар Матчонов ва Ботир Норбой каби аҳмоқлар жавобларини бироз кутишса, ҳеч нарса бўлиб қолмайдилар.