16 April 2011
01:50 - Афғонистон ва Индонезияда ўлимчи-террористлар яна қон тўкишди
Афғонистонда Қандаҳор вилояти полициясининг бошлиғи Хон Муҳаммад Мужоҳид ўз иш кабинетида ўлдирилган. Қандайдир йўл билан унинг олдига киришга муваффақ бўлган ўлимчи террорит ўз-ўзини портлатиб, полиция бошлиғини ҳам ўзи билан у дунёга олиб кетган. Табиий, у ўзи жаннатга тушишига, Хон Муҳаммад Мужоҳид эса дўзахга тушишига ишонади. Тўғрироғи, уни шундай бўлишига ишонтиришган.

Дунёда энг катта мусулмонлар мамлакати бўлмиш Индонезияда эса, бошқа бир ўлимчи-террорист фақатгина ўзини ўлдиришга муваффақ бўлган. Полиция участкасининг мачитида “Оллоҳу Акбар” дея ҳитоб қилатуриб ўзини портлатган бу одам 28 кишини ярадор қилган, уларнинг кўпчлиги полиция хизматчилари. Тезроқ жаннатга тушиш орзусида бўлган исломчи террористнинг нишони айнан улар бўлганига шубҳа йўқ.

Дарвоқе, ким жаннатга, ким дўззахга тушигини Оллоҳдан бошқа ҳеч ким билмайди. Ёки биламан дейдиган аҳмоқлар топилармикан?
« Олдинги хабар Хабарлар рўйхати Кейинги хабар »