17 August 2010
05:27 - Хонанда Феруза Жуманиёзова тожикларга концерт бергани учун лицензиясидан маҳрум бўлди
Ўзбекистонда хизмат кўрсатган артист, “Ниҳол” мукофоти совриндори Феруза Жуманиёзова “Ўзбекнаво” эстрада концерт бирлашмасининг рухсатисиз шу йилнинг 13-16 июль кунлари Тожикистоннинг бир неча шаҳарида концертлар бергани учун тегишли лицензиясидан маҳрум қилинди. Хонанда энди Ўзбекисон оммавий ахборот воситаларида чиқа олмайди, уни телевизорда кўрсатишмайди, радио эфирларда унинг қўшиқлари қўйилмайди.

Бироқ Феруза Жуманиёзовага ўзбек телерадио каналларида таъқиқ қўйилганига анча бўлган, унинг шоу бизнесдаги фаолияти деярли кўринмаётган эди. Фақатгина тўй-ҳашамлардагина кўзга ташланадиган ёш хонанданинг онаси ва продюссери Зуҳра ая бу таъқиқларни ҳукумат доираларидаги айрим амалдорлар номи билан боғлаган. Бу ҳақда хорижий радиоларга берган интервьюларидан ҳам айтган эди. Демак, эндиги расмий чеклов ўша таъқиқларнинг ҳужжатлаштирилиши бўлса керак.

Санъаткорларни назоратда тутиб туриш учун 2003 йилнинг 14 ноябрида Ўзбекистон Республикаси Вазирлар Маҳкамасининг 498-сонли махсус қарори қабул қилинган, қарорга мувофиқ ҳар бир санъаткор тегишли лицензия билан расмийлаштирилиши лозим, аксинча, унга саънатнинг йўллари берк, дейди мухбиримиз.
Cсылки по теме:
« Олдинги хабар Хабарлар рўйхати Кейинги хабар »