20 April 2010
06:55 - Ислом Каримни пластик карточка масаласи ташвишлантирмоқда
Кеча матбуотда эълон қилинган Президент қарорида аҳоли қўлидаги пластик карточкаларнинг хавфсизлигини ҳимоя қилиш, улардан кенг фойдаланишга қаратилган чора-тадбирлар ишлаб чиқиш белгиланган. Нақд пул айланмасини камайтиришга қаратилган ислоҳот ижроси ҳукумат ва Марказий Банк раҳбариятига юклатилган.

Замонавий бозорда табиий молиявий муомала воситаси бўлган мазкур амалиётни жорий қилолмаётган ҳукумат эндиликда мамлакатга сармоялар киритишга йўл очиш, иқтисодни юксалтириш йўлларини қидириш ўрнига одамларни пластик карточкалар орқали савдо қилишга мажбурлаш билан овора бўларкан. Иқтисод йўлга тушса карточкалар ўз-ўзидан ҳаётимизга кириб кетишини, катрочкаларни зўрлаб жорий қилишнинг ўзи эса иқтисодни ривожлантиролмаслигини Ислом Каримнинг мавжуд ҳукумати тушунмайди ҳам, шекилли, дейди мухбиримиз.
« Олдинги хабар Хабарлар рўйхати Кейинги хабар »