11 March 2010
13:00 - Дунё миллардерларининг биринчиси мексикалик, 80-чиси ўзбек
Forbes журналининг ўтган йил натижалари бўйича тузган жаҳон миллиардерлари рўйхатида биринчи ўринга сарвати $53,5 млрд бўлган мексикалик Карлос Слим чиқди. Ўтган йилги миллиардерлар лидери Билл Гейтс $53 млд билан иккинчи ўринга тушди. Учинчи ўринда АҚШлик инвестор Уоррен Баффет - $47 млрд.

Бу рўйхатнинг 80-чи ўрнини ўзбек аслли Россия миллиардери Искандар Маҳмудов эгаллаган. Унинг бойлиги 8,5 млд деб баҳоланган. Ваҳоланки, яқиндагина русларнинг “Финанс” журнали унинг бойлигини $3,9 млд деб кўрсатганди (15 февраль хабарларимизни қаранг).

“Финанс” журналида $12,4 млд билан 7-чи ўринн эгаллаган бошқа ўзбек Алишер Усмоновни Forbes журнали $7,2 млд билан 100-чи ўринга туширилган, яъни у Искандар Маҳмудовдан ҳам камроқ сарватга эга.

Ҳа, бойликнинг каттаси ҳам нисбий нарса.

500 кишилик рўйхатнинг охирги ўрнининг эгаллаган америкаликнинг бойлиги $2 млд.

Расмда – 46 ёшли Искандар Маҳмудов.
« Олдинги хабар Хабарлар рўйхати Кейинги хабар »