11 February 2010
01:53 - Ислом Каримга кадр алмаштириш, пайпоқ алмаштиришдай гап
Кеча навбатдаги Фармони билан Геология ва минерал ресурслар давлат қўмитаси раиси Наримон Мавлоновни лавозимидаг четлатган Ислом Карим бу рутбага Статистика қўмитаси раиси Ғафуржон Қудратовни лойиқ кўрибди. Мантиқни қарангки, статистика қаерда-ю, геология қаерда?!

Статистика қўмитаси раисилига янги одам тайинланишидагина қандайдир мантиқ борлигини тан олиш лозим. Бу қўмитани энди шу қўмитада биринчи ўринбосар бўлган Ботир Тўраев бошқарар экан.

Узметроном нашрининг ўз маълумоти тўғрилигига кафолат бермай ёзишича, Марказий Банк раиси биринчи ўринбосари Қаҳрамон Раъфиев ҳам лавозимидан четлатилган. “Халқ банки”нинг собиқ раиси Муҳаммад Жумагалдиев эса Пенсия жамғармасига раис қилинган. Давлат Солиқ қўмитаси раисининг биринчи ўринбосари Эркин Гадоев Солиқ Академияси ректорлигига туширилган.
« Олдинги хабар Хабарлар рўйхати Кейинги хабар »