23 December 2009
03:35 - “Эзгулик” фаоли Дилмурод Саййидга ўз ҳимоячилари билан учрашиш имкони берилмаяпти
“Эзгулик” жамиятининг бугун тарқатган матбуот хабарномасида айтилишича, журналист Дилмурод Саййидга жамоатчи ҳимоячи этиб тайинланган Абдураҳмон Ташанов кеча яна у билан учрашиш мақсадида Ўзбекистон Ички ишлар вазирлиги Жазони ижро этиш Бош бошқармаси тизимидаги 64/18-муассасада бўлди. Муассасанинг махсус бўлими (бошлиқ - майор О.Тўрақулов) жамоатчи ҳимоячининг расмий талаби ва тегишли ҳужжатлари асосида маҳкум билан учрашувга рухсат ҳам берган. Сўнгра учрашув жойига муассаса тезкор ходимлари ҳамроҳлигида келган ва маҳкумни кутиб ўтирган Абдураҳмон. Ташановни у ердан орқага қайтаришган. Бу ноқонуний ҳолат муассаса бошлиғи вазифасини бажарувчи, подполковник Котиб Саломовнинг оғзаки буйруғи билан амалга оширилганлиги маэлум бўлди.

Хабарномада айтилишча, Дилмурод Саййид шу йилнинг 12 декабрида Навоийдаги 64/47-муассасадан мазкур муассасага келтирилган. Ҳозирда у муассасанинг 13-корпусида сақланмоқда. “Эзгулик” жамияти фаоли мазкур ҳодиса юзасидан Ўзбекистон ИИВ Жазони ижро этиш Бош бошқармаси, Ўзбекистон Республикас Бош прокуратурасининг жазони ижро этиш жойларида қонунга риоя этилишини таъминлаш бошқармаси ҳамда бир қатор мутасадди органларга шикоят қилган.

Дилмурод Саййид билан учрашувга берилган рухсатнома нусхасини хабарномага илова қилиб тарқатган жамиятнинг материалини унинг расмий сайтида тўла ўқийсиз — www.ezgulik.org

Расмда: Дилмурод Саййиднинг 64/18-муассасага (сангородикка) олиб келинганини тасдиқловчи майор О.Тўрақуловнинг қўли билан рус тилида берилган маълумотнома (справка).
« Олдинги хабар Хабарлар рўйхати Кейинги хабар »