25 March 2019
13:11 - Ўзбекистон Марказий Банки сўмнинг бошқа валюталарга нисбатан 26 мартда кучга кирадиган курсларини эълон қилди, cўмнинг курси бироз тушибди
Марказий Банк сўнги йиллардаги анъанасини давом эттириб, 2019 йил 26 мартдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги ҳафтадаги (қавс ичида) курслари:

1 АҚШ доллари – 8389,97 сўм (8378,04 сўм)

1 ЕВРО – 9491,57 (9488,13)

1 Россия рубли – 129,72 (129,09)

Кўриб турибмизки, доллар, евро ва ҳатто рублнинг курси юксалган. Долларнинг курси 11,93 сўмга ортган.

Эслатиш керак, ўтган йилнинг 1-чи ярмида сўмнинг курси кескин кўтарилган, аммо, йилнинг 2-чи ярмида ўпирилиб тушган эди. Бу йил бечора сўмимиз ҳозироқ тушиб бормоқда. Демак, ишлар чатоқ. Қизиқ, Шавкат Мирзиё Бирлашган Араб Амирликларига пул топиш учун кетмадими?

Табиий, валюта қийматларини белгилаш чоғида Марказий Банк мазкур валюталарни ушбу қийматда сотиш ёки сотиб олиш мажбуриятини ҳам олмаган.
« Олдинги хабар Хабарлар рўйхати Кейинги хабар »