29 January 2019
22:42 - Ўзбекистонда ишсизлик даражаси ҳақида биринчи марта расмий ва ҳақиқий маълумот берилибди
Фақат рус тилида иш олиб борадиган vesti.uz сайти Бандлик ва Меҳнат Муносабатлари Вазирлигига асосланиб хабар қилишича, 2018 йилда ишсизлик даражаси 9,3% бўлибди. 30 ёшгача бўлган ёшлар орасида ишсизлик 17% экан. Меҳнатга лаёқатли аҳолининг сони 18,8 миллионлиги ҳам қисқа хабарда айтилади. Ислом Карим замонида ишсизлик даражаси ҳар доим 3 фоиздан кам деб эълон қилиниши, аммо унга ишониб бўлмаслиги ҳам хабарда урғуланган.

Русларнинг Lenta.ru сайти ҳам Бандлик ва Меҳнат Муносабатлари Вазирлигига асосланиб хабар қилишича, аёллар ичида ишсизлик даражаси 12,9% экан.

Энг қизиғи, дейди “Ҳаракат” мухбири, ишсизлик ҳақида Ўзбекистондаги бошқа нашрлар бундай хабар тарқатганларини кўрмадик. Сони 2 миллионча бўлган ватандошларимиз Россия, Туркия, Қозоғистон ва бошқа мамлакатларда ишлашаётганини, вазирлик эълон қилган рақамларга ишонч йўқлигини ҳисобга олсак, Ўзбекистонда ишсизлик даражаси 20 фоиздан анча кўп эканлиги шубҳасиздир. Аммо, шубҳасиз, бу – дунё рекорди. Нима ҳам дердик, “бечора Ўзбекистонимиз” деймиз.
« Олдинги хабар Хабарлар рўйхати Кейинги хабар »