21 January 2019
15:28 - Марказий Банк сўмнинг бошқа валюталарга нисбатан 22 январда кучга кирадиган курсларини эълон қилди, долларнинг қиймати анча ортибди
Марказий Банк сўнги йиллардаги анъанасини давом эттириб, 2019 йил 22 январдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги ҳафтадаги (қавс ичида) курслари:

1 АҚШ доллари – 8378,18 сўм (8356,18 сўм)

1 ЕВРО - 9518,45 (9582,03)

1 Россия рубли - 126,33 (124,97)

1 Жанубий Корея вони - 7,45 (-)

1 Қувайт динори – 27650,76 (-)

1 Хитой юани – 1236,36 (1236,19)

1 Туркия лираси 1572,69 (-)

Кўриб турибмизки, долларнинг курси бу ҳафта 22 сўмга ортган. Рубль ва юаннинг курслари ҳам бироз ортган, евронинг курси яхшигина тушган. Жанубий Корея вони, Қувайт динори ва Туркия лирасининг аввалги ҳафтадаги курслари бизда йўқ экан.

Нима бўлганда ҳам, биз учун муҳим бўлгани, дунёни бошқараётган долларнинг курси тўхтовсиз ортиб бораётгани, сўмнинг қиймати тўхтовсиз тушиб бораётганидир. Ўтган йилнинг биринчи ярмида Ўзбекистон Марказий Банки 900 млн доллар сарфлаб сўмнинг курсини орттириб борган, аммо йилнинг 2-чи ярмида сўмнинг қиймати кескин тушиб кетган эди.

Кўринишидан, бечора Шавкат Мирзиёда бу йил ўзбек сўмининг курсини ушлаб туришга ёки кўтаришга етарли пул ҳам йўққа ўхшайди. Ишлар чатоқ. 19 март куни Миллий Уйғониш Кунининг 30 йиллигини нишонлаш учун Мустақиллик Майдонига чиқиш ва Шавкат Мирзиё ҳамда унинг тожиклар режимидан Ўзбекистонда фундаментал ислоҳотлар бошлашни талаб қилиш керак.
« Олдинги хабар Хабарлар рўйхати Кейинги хабар »