Марказий Банк сўнги йиллардаги анъанасини давом эттириб, 2018 йил 30 октябрдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги (қавс ичида) курслари:

1 АҚШ доллари – 8236,87 сўм (8226,10 сўм)

1 ЕВРО - 9390,86 (9470,71)

1 Россия рубли - 125,19 (125,76)

1 Жанубий Корея вони - 7,2 (7,27)

1 Қувайт динори - 27143,18 (27148,84)

1 Хитой юани - 1186,44 (1187,18)

1 Туркия лираси - 1473,00 (1458,14)

Кўриб турибмизки, бу рўйхатдаги АҚШ доллари ва Турк лирасидан бошқа валюталарнинг қийматлари сўмга нисбатан тушган, доллар ва лиранингн қиймаати бироз ошган. Минг афсуски, дунёда ҳукмронлик қилаётган АҚШ долларининг курса яна юксалди, бир ҳафтада 10,77сўмга ортиб, 8236,87 сўмга чиқди. Бу дегани, иқтисодимизнинг чўқиши давом этмоқда.

Эслатиб ўтамиз, ўтган йилнинг охирида, яъни сўм девальвация қилиниб, уни эркин конвертация қилиш бошланмасдан аввал, 1 доллар 8100 сўмдан бироз юқорида эди. Кейин Ўзбекистон Марказий Банки 900 млн доллар пул ишлатиб, шу йилнинг 1 августигача долларнинг курсини 7781 сўмга туширишга эришди. Марказий Банк сўмнинг курсини ушлаб туриш учун пул ишлатолмай қолиши билан, яъни орадан 3 ойга яқин вақт ўтиб, бугун 1 доллар 8236,87 сўмга чиқди. Яъни, шу вақт ичида сўмимизнинг долларга нисбатан курси сал кам 6 фоизга тушди.

Жойи келгани учун эслатиш керакки, ҳар қандай давлат иқтисодиётининг асосий кўрсатгичи бўлган Киши бошига Ялпи Ички Маҳсулот ҳажми 2017 йилда (Жаҳон Банкига кўра) Ўзбекистонда 1490 доллар эди. 2 кун аввал Ўзбекистон Давлат Статистика Қўмитаси 2018 йилнинг 9 ойлик натижаларига кўра бу кўрсатгич 900 доллар бўлиб қолганини эълон қилди. Табиий, бу кўрсатгич йил охиригача тахминан 30 фоизга ортади. Аммо, ўтган йилгига қараганда тушиш тахминан 20 фоиз бўлиб қолаверади. Яъни, иқтисодиётимиз, сўмдан кўра кўпроқ ЎПИРИЛМОҚДА. Тахмин қилиш мумкинки, Марказий Банк сўмни ўпирилишдан санъий равишда ушлаб турибди. Демак, қора бозор гулламоқда.