03 October 2018
13:00 - SOS: Андижон вилояти Қўрғонтепа туманида қурилган цемент заводи Ҳасанқовоқ маҳалласини жаҳаннамга айлантирди
Ilham Osman исмли ўқувчимиздан келган хатда айтилишича, Андижон вилояти Қўрғонтепа туманида цемент заводи қурилган ва дарёнинг у тарафидаги Жалолқудуққа қарашли Ҳасанқовоқ маҳалласи шу заводнинг чиқиндилари туфайли жаҳаннамга айланган. Лекин халқ дардини кимга айтишини билмайди. Халқ ёрдам истайди, лекин дардини кимга айтсин?

Ilham Osman исмли ўқувчимизни тушуниш мумкин, чунки, Ўзбекистоннинг ҳеч бир ерида халқнинг дардига қулоқ соладиган одам йўқ. Мамлакат қашшоқлашиб, давлат порахўрлик ва коррупцияда ботқоғида ётган бир пайтда бошқача бўлиши ҳам мумкин эмас.

“Ҳаракат” Агентлиги Ilham Osman исмли ўқувчимиз кўтарган масалани маҳаллий ҳуқуқ ҳимоячиларига етказади. Ҳеч шубҳасиз, улар бу масала билан жиддий шуғулланадилар. Бу йўналишда воқеалар қандай давом этишини хабарларимизда ёритиб боришга ҳаракат қиламиз.
« Олдинги хабар Хабарлар рўйхати Кейинги хабар »