26 January 2018
20:02 - Сенсация: Доналд Трампнинг Давос Халқаро Иқтисодий Форумидаги нутқида сенсация йўқ
Кеча Давосга келган АҚШ Президенти аввал хабар берганимидек, бугун Халқаро Иқтисодий Форумда нутқ сўзлади. У ўз президент бўлганн бери АҚШ иқтисодиёти кучайиб бораётгани, фондлар биржасининг кўрсатгичлари ортиб бораётгани, Хиллар Клинтон президент бўлсайди, улар 50 фоизга камайишлари муқаррарэканлигини, АҚШда ишсизлик камайиб бораётгани каби фактларни айтди, «Одамлар биз қилаётган ишлардан хурсандлар», кучли Американи қайтдан тикламоқдамиз, деб урғулади. Айни замонда, АҚШ оммавий ахборот воситалари ҳали ҳам ўзига қарши «ёлғон хабарлар» урушини давом эттиришаётгани ҳам эслатиб ўтди.

У халқаро саҳнада қилиниши керак бўлган муҳим ишлардан бири - Шимолий Кореядан келаётган хавфларни камайтириш учун ҳамма бирлашиши кераклиги эканлигини, бу масалада ҳам АҚШ лидерлик қилаётганини айтди, Исломий Давлат (табиий, у ИШИДни назарда тутмоқда – «Ҳаракат») устидан ҳали тўла ғалаба қозонилмагани, унга қарши уриш давом этаётганини таъкидлади. Баъзи давлатлар бошқаларнинг ҳисобига бойиб олишларига йўл берилмаслиги кераклигини урғулади.

АҚШнинг катта ОАВлари Доналд Трампнинг Давосдаги нутқига ортиқча эътибор беришмади. Айнан шу ерда улар ҳақ бўлсалар керак, чунки ҳар ерда сансацион гаплар гапириши билан танилган Доналд Трампнинг Давосдаги нутқи ўта сокин эди.

АҚШнинг Ўзбекистондаги элчиси Памела Спратлен "Америка Овози" радиосининг ўзбек хизматига берган интервьюсида янги президент Шавкат Мирзиёни осмонларга кўтариб олқишлагани Трампга ҳали етиб бормади, шекилли, у Давосдаги нутқида Ўзбекистон ва Шавкат Мирзиёни умуман тилга олмади.
« Олдинги хабар Хабарлар рўйхати Кейинги хабар »