Владимир Путин шу ой охирида Марказий Осиё мамлакатлари бўйлаб сафар қилади ва унинг Тошкентга келиш эҳтимоли катта. Ҳозирча, у Тожикистон ва Қирғизистонга келиши айтилмоқда. Аммо, Путин ана шу ташриф доирасида Тошкентга ҳам кириб ўтиши мумкин эмиш. Ўрис матбуотига кўра, Кремль мазкур поссовет мамлакатлари билан сиёсий ва иқтисодий алоқаларни кучайтиришга уринмоқда.

Ҳолбуки, ўтган кунги хабарларимизда “Известия” газетасига асосланиб, Шавкат Мирзиёнинг Кремлга март ойида сафар қилиши ҳақида хабар қилгандик. Бугунги хабарларда ҳам Россия-Ўзбекистон ҳамкорлигининг кун тартибидаги асосий масалалардан бири - ҳарбий-техник ҳамкорлик экани айтилади.

Эслатиб ўтамиз, 2016 йил ноябрь ойида Ўзбекистон ва Россия 2017 йилги ҳарбий-техник ҳамкорликни ривожлантиришга доир шартномани имзолади. Бундан ташқари, Ўзбекистон Қуролли кучларини Россиянинг замонавий қурол-яроғлари ва ҳарбий техникалари билан қайта жиҳозлаш бўйича 2020 йилгача бўлган дастур амалга оширилмоқда.