Туркиянинг расмий “Анадолу” давлат хабар агентлиги тарқатган хабарга кўра, кеча бутун Туркия бўйлаб ўтказилган махсус операцияларда ИШИДчи эканлиги тахмин қилинаётган 460 киши қўлга олинибди. Фақат пойтахт Анқарада қўлга олингларнинг сони 60 дан ортиқ. Уларнинг ичида жуда кўп чет элликлар бор экан.

“Ҳаракат”нинг сайтидаги хабарларни доимий ўқиб борувчилар билиши керакки, бир-биридан фарқи бўлмаган ражаб-эрдўғончилар ва фатхулла-гуленчиларнинг асл мақсади ИШИДчиларнинг мақсади бил бир хил – ҳамма давлатларни, жумладан, Туркияни шариат қонунлари билан яшайдиган исломий давлатга айлантириш, кейин ҳамма исломий давлатларни Халифаликка бирлаштириш. Буни тушуниб етган содда ИШИДчилар Туркияни ўз марказларидан бири деб ҳисоблаб, бу ерда ташкилотлашаётганларидан ҳайрон бўлмаслик керак.

Қолаверса, “Бирлик” Партияси лидери Абдураҳим Пўлат 2015 йилнинг бошида ўша пайтдаги АҚШ Президенти Барак Обамага ёзган хатида ислом терроризмининг янги марказлари Туркия ва Марказий Осиё бўлишини башорат қилгани ҳақида кўп марта ёздик. Абдураҳим Пўлат мутлақо ҳақ чиқди, Туркия ислом терроризмининг марказига айланиб бўлди. Бу кетишда ҳокимиятни фатхулла-гуленчилардан ҳам олдин ИШИД олиб қўйишидан қўрққан Ражаб Эрдўғон Туркияни исломий давлатга айлантириш режаларини ҳам унутиб, ўз ҳокимиятини сақлаб қолиш учун энди ИШИДга қарши уруш очган бўлса керак.

Исломчилар ҳамма нарсани унутиб, ҳокимият учун кураш доирасида ички урушга кириб бораётганлари дунёвийлик тарафдорлари учун яхши хабардир. Уларнинг бу ички урушидан фойдаланиб, исломчилик ҳаракатини бутунлай йўқ қилиш керак. Акс ҳолда, бу ақлсиз исломчилар Ислом динини ўлимга олиб кетадилар.

Расм “Анадолу” агентлигининг сайтидан олинган.