АҚШнинг тарихида биринчи аёл Давлат Котиби бўлган Мадлен Олбрайт ўзининг “Твиттер”даги саҳифасида ҳозирги Президент Доналд Трампниннг мусулмонлар учун АҚШга келишни чекловчи қарорларини қоралаб, шундай нарсалар ёзибди: “Америка ҳамма диндорлар ва келиб чиқишидан қатъий назар ҳамма одамларга очиқ қолиши керак... Мен мусулмонларга бирдамлик билдириш учун мусулмон сифатида рўйхатга ўтишга ҳам тайёрман.” У насроний сифатида тарбиялангани, кейин аслида яҳудий эканлигини билиб қолганини ҳам айтибди.

Бир қарашда Мадлен Олбрайт ўзини ростакам олижаноб инсон қилиб кўрсатгандек бўлади. Аммо, масаланинг моҳиятига қарсак, АҚШнинг собиқ Давлат Котиби ақлдан озмадими деган савол туғилади.

Чунки, АҚШ дунёвийлик/секуляризм принципига, яъни дин ва давлат бир-биридан айрилганига ҳам асосланган демократик давлат бўлиш билан бир қаторда дин эркинлигини ҳам тан олган давлатдир. Бу ерда яшашга келаётган одмлар АҚШнинг қонунларини қабул қилишга мажбурлар. Демак, АҚШ каби дунёвий/секуляр давлатларда яшаш учун мусулмонлар ўз динларидан чиқишлари ёки яшашга келган мамлакатларида Ислом учун тўла эркинлик йўқлигини тан олишлари керак.

Аммо, Ислом дини дунёвийлик/секуляризм принципини қабул қилмагани сабабли, мусулмонлар бор жойда Исломнинг ҳамма талабларини ҳаётга жорий қилиш учун керак бўлса исломий террорга ҳам тайёр исломчилар ўртага чиқиши мумкинлигини, демак, уларга йўл бермаслик учун демократик давлатларда мусулмонлар учун ҳеч қандай дин эркинлиги бериб бўлмаслигини шу пайтгача дунёда ҳеч ким ўйлаб ҳам кўрмаган эди. Ҳозир бу ҳақиқат ўртага чиқди.

Демак, демократик давлатлар Ислом дини учун дин эркинлиги йўқлигини расман қонунлаштиришга ёки мусулмонларни ўз мамлакатларига киритмасликка мажбурлар.

Кўринишидан, Доналд Трамп иккинчи йўл, яъни мусулмонларни АҚШга критмаслик йўли ҳақида ўйлашга бошлаган. Бу йўл ислом терроризмини тўхтатиш нуқати назаридан самарали эмаслиги маълум бўлгач, фақат Доналд Трамп эмас, ҳамма демократик мамлакатлар биринчи йўлга, яъни мусулмонларга дин эркинлиги бермаслик йўлига ўтишлари муқаррардир.

Демократия дунё бўйлаб кенгайиб борар экан, у ислом мамлакатларига ҳам етиб келди. Демократия етиб борган мамлакатларда Ислом учун тўла дин эркинлиги йўқ ва бўлолмайди. Аммо, бу нарса турли диктаторларга қўл келмоқда ва ислом терроризминингн йўлини тўсишдан кўра кўпроқ демократиянинг йўлини тўсишга хизмат қилмоқда. Масалан, Ўзбекистон бунинг энг ёрқин мисолидир.

Бу боши берк кўчадан чиқишнинг ягона йўли – Исломда фундаментал ислоҳотлар ўтказиш ва Ислом дини дунёвийлик/секуляризм принципини қабул қилишига эришишдир.

Дунёнинг Мадлен Олбрайт каби собиқ ва амалдаги бошқа сиёсатчилари “Бирлик” Партияси лидери Абдураҳим Пўлатдан ўрганиб, Ислом дини тезроқ дунёвийлик/секуляризм принципини қабул қилиши учун ёрдам беришлари керак. Мадлен Олбрайт каби ақлсизларининг баёнотлари эса, ислом фанатиклари, эктремистлари ва террористларини рағбатлантиради, холос.