20 January 2017
22:51 - Доналд Трамп расман тахтга ўтирди, шиори аввалгича қолди – “Американи буюк қиламиз!”
Капитолийда 45-чи АҚШ Президенти Доналд Трампнинг инаугурацияси ҳозиргина битди. Доналд Трамп ва Вице-президент Майк Пенс анъанавий қисқа қасамёд матнини насроний рухонийлар кетидан такрорлаб, расман лавозимларига ўтирдлар.

Қисқа нутқ сўзлаган Доналд Трамп ўзининг сайлов олди кампанияси даврида отган шиори ўзгармас эканлиги тасдиқлади ва нутқини муштини кўтарган ҳолда “Американи буюк қиламиз!” сўзлари билан битирди. Насроний ва яҳудий динининг, таъбир жоиз бўлса, уламолари қисқа табрик сўзлари билан чиқиш қилдилар. Мусулмон динининг уламолари билан ҳеч кимнинг иши ҳам бўлмаганга ўхшайди. Бу тушунарли, чунки, Трампнинг нутқида “радикал исломни йўқ қиламиз” сўзлари ҳам бор эди, радикал бўлмаган ислом эса, ҳали йўқ.

Тахминан 900 минг киши иштирок этганлиги айтилаётган маросим доирасида артилерия салютлари бўлди, АҚШ гимни ижро этилди.

Маросим битгандан кейин собиқ вице-президент Жо Байден турмуш ўртоғи билан автомибилда, собиқ президент Барак Обама турмуш ўртоғи билан вертолетда бу ердан кетдилар. Обамани Трампнинг ўзи кузатиб қўйди.

“Ҳаракат” аввалдан башорат қилганидек, АҚШда, қолаверса, бутун дунёда янги давр бошланади.
« Олдинги хабар Хабарлар рўйхати Кейинги хабар »