Кеча маҳаллий вақт билан кечқурунга яқин Исроилнинг пойтахти Қуддусда бир одам, филистинли араб бўлса керак, аммо бу ҳақда ҳали ҳеч нарса дейилмаяпти, юк автомобили билан йўловчи автобуснинг тўхташ жойида автобусга чиқаётган ва ичида аскарлар ҳам бор бўлган гуруҳнинг устига юриб, 4 яҳудий аскарни ўлдирди, 14 кишини ярадор қилди. Террорист ҳам ўша ернинг ўзидаёқ ўлдирилди.

Исроил Бош вазири Бинямин Нетаняху ҳеч шубҳасиз террористнинг ИШИД билан алоқаси борлигини гапирди. Демак, Исроил очиқча ИШИДга қарши уруш бошлайди.

Шу воқеа туфайли эслатиш керакки, “Ҳаракат” Агентлиги 2016 йил 19 декабрда Берлинда кейинчлик тунислик эканлиги маълум бўлган мусулмон йигит катта юк машинасида Исо пайғамбарнинг туғилиш куни муносабати билан очилган ярмаркага бостириб кириб 11 кишини ўлдиргани ҳақидаги хабарларга 22 декабрда таҳлил берар экан, шундай деб ёзган эди: “Қаранг, энди терактлар уюштириш учун араблар ихтиро қилган белига бомбачалар боғлаб ўзини ўзи портлатиш усули ҳам керак эмас. Ҳозир катта юк машиналари билан кўчалар тўла, улардан биттасини қўлга олиб, кўплаб одамларни босиб ўлдириш мумкин. Аммо, шу нарсага ҳеч ким эътибор бермаяпти.”

Мана энди Қуддусда ҳам шундай теракт амалга оширилди, табиий, у ҳам исломий теракт деб тарихга киради. Агарда, ҳамма “Ҳаракат”ни ўқиса ва унинг фикрларини инобатга олса эди, Қуддусдаги терактнинг олдини олса бўларди.

Мен, дейди “Бирлик” Партияси лидери Абдураҳим Пўлат кеча АҚШ Президенти Барак Обамага Ислом дини дунёвийлик/секуляризм принципини қабул қилмагунча ислом терроризмини тўхтатиб бўлмаслиги ҳақида 4-чи, табиий, охирги хатимни жўнатган эдим. Ўша хатимда қуйидаги сўзлар ҳам ёзилган: “Ғарбдагилар ислом терроризмига қарши самарали кураш учун феълан “Бирлик” Партиясининг жарчиси бўлган “Ҳаракат” Агентлигининнг сайтини (harakat.net) ўқишлари керак. Тўғри, сайтимиз асосан ўзбек тилида иш олиб боради, инглизча саҳифамиз жуда кучсиз ва ожиз. Демак, ҳозир ислом ислом террористлари билан оралари 1 қаричдан ҳам кам бўлган ислом фанатиклари ва экстремистларини рағбатлантириш билан шуғулланаётган АҚШнинг ноҳукумат ташкилотлари бизнинг сайтимиздаги материалларни инглизчага таржим қилиш билан шуғуллансалар, фойдали иш қилган бўлардилар.”

Барак Обама менинг 1-чи хатимни олиши биланоқ мен таклиф қилган йўналишда ҳаракат бошласа эди, Берлин ва Қуддусдаги каби терактларнинг энг камида баъзиларини олдини олса бўларди. Қуддусдаги теракт эса, амалда филистинликларнинг зарарига хизмат қилади. Қолаверса, ҳамма исломий терактлар Ислом дунёсининг зарарига бўлмоқда.