Ўзбекистон ҳукумати 2017 йилнинг 1 январидан республикада ишлаб чиқариладиган спирт, спиртли ичимликлар ва пивога нисбатан акциз солиқ ставкаларини оширди. Янги ставкалар Ўзбекистон Президентининг "Ўзбекистон Республикасининг 2017 йилги асосий макроиқтисодий кўрсаткичлари прогнози ва Давлат бюджети параметрлари тўғрисида" қарорига мувофиқ белгиланган.
Ҳужжатга кўра, 2017 йилнинг 1 январидан этил спиртига (тайёр маҳсулотнинг 1 декалитри учун) нисбатан белгиланган акциз солиғи - 6 275 сўмни (+25%), табиий вино учун акциз солиғи эса 6 358 сўмни (+5%) ташкил қилади.

Бошқа вино турларига нисбатан белгиланган акциз солиғи (тайёр маҳсулотнинг 1 декалитри учун) 10 минг сўмгача ошди (+20%), коньяк - 58 265 сўм (+26,9%), ароқ ва бошқа ўткир спиртли ичимликлар - 54 057 сўм (+25%), пиво - 6 416 сўм (+25%).

Спирт улуши 40 фоиздан ортиқ бўлган коньяк учун (тайёр маҳсулотнинг 1 декалитрига) акциз солиқ 96 006 сўм миқдорида белгиланди. 40 фоиздан ортиқ спиртга эга ароқ ва бошқа спиртли ичимликлар учун эса - 89 071 сўм.

Эслатиб ўтамиз, чет элдан келаётган маҳсулотларга божхона тўлови олинади, мамлакат ичида ишлаб чиқарилаётган маҳсулотларга эса акциз солиғи солинади. Уларнинг моҳияти бир ҳил, иккаласи ҳам давлатнинг бюджетига қўшимча пул олиб келади, айни замонда, маҳсулотларнинг мамалакат ичидаги нархини ошириди.

Ўзбекистондаги янги ҳокимият спиртли ичимликларга акциз солиқларини ошириб, Ислом Карим тарафидан ҳароб аҳволга туширилган давлат бюджетимизни оёққа турғазиш ва Ўзбекистонда ичкилик ичишни камайтириш ниятида бўлса, унинг бу қадами олқишланиши керак. Аммо, янги ҳокимият тушуниши керакки, иқтисодда фундаментал ислоҳотлар ўтказилмаса, акциз солиқларини ошириш каби ишлар билан жиддий натижага эришиб бўлмайди.

“Бирлик” лидери Абдураҳим Пўлат Шавкат Мирзиёга ўтган йилнинг октябрь ойида, яъни сайловлардан олдин ёзган хатида “мавжуд оғир аҳволдан косметик ислоҳотлар билан чиқиб бўлмайди” деган мутлақо тўғри маслаҳатини ҳам эсдан чиқармаслик лозим.