17 December 2016
20:21 - Туркияда яна курдларнинг теракти: 13 киши ҳалок бўлди, ярадорлар сони 60 атрофида. “Ҳаракат”: Исломий терроризм бошланса, ҳозирги терактлар ҳолва бўлиб қолади
Туркиянинг Анқардан ҳам жанубий-шарқроқда бўлган Қайсари вилоятининг маркази Қайсари шаҳрида бугун эрталаб, курдларнинг Ғарб тарафидан ҳам террористик ташкилот деб тан олинган ПККчилари террористик ҳужум уюштирдилар.

Расмий хабарларда айтилишича, бир гуруҳ турк аскарлари бозор-ўчар қилишга рухсат олиб, фуқаровий кийимда ўзларга ажратилган автобусда кетаётганларида, у автобусга яқинлашган кичикина юк автомобили портлатилибди. Табиий, бу юк автомобилдаги одам ва одамлар ҳам ҳалок бўлган. Автобусдаги аскарлардан 13 киши ўша ердаёқ ҳалок бўлган. Бу автобусдаги бир қанча аскар ва автобус атрофида тасодифан бўлиб қолган одамлар яраланган. Яраланган 58 кишидан 4 тасининг аҳволи критик эканлиги айтилмоқда.

Бир ҳафта аввал, яъни 10 декабрда Истанбулнинг марказидаги Бешиктош номли жойда ҳам ПККчилар шунга ўхшаш теракт уюширгандилар. У воқеада 38 киши ҳалок бўлган, 155 киши ярадор бўлган эди.

Аввалги хабарларимиздан маълумки, “Бирлик” Партияси лидери Абдураҳим Пўлат АҚШ Президенти Барак Обамага ислом терроризмининг илдизлар ҳақидаги ёзган хатида ислом терроризмининг маркази яқин келажакда Туркия ва Марказий Осиёга ўтишини башорат қилган эди. Табиий, у курдларнинг сал кам 30-40 йилдан бери давом этаётган террористик шаклдаги урушларини эмас, исломчиларнинг, яъни ражаб-эрдўғончилар ва фатхулла-гуленчилар ўртасида бўладиган террористик урушни назарда тутган эди.

Бундай терористик уруш олдида ПККчиларининг терактлари ҳолва бўлиб қолиши муқаррар.
« Олдинги хабар Хабарлар рўйхати Кейинги хабар »