16 December 2016
21:49 - Бечора Ўзбекистон: Самарқанд вилояти раҳбарлари эшакмозорга бордилар, кимлардир эшакларни сўйиб, халлқа мол гўшти деб сотгани маълум бўлибди
Самарқанд вилояти ҳокимлиги мутасаддилари ва бошқа раҳбарлар шаҳар атрофидаги Хишрав қўрғони ҳудудида топилган эшакмозорга бордилар. Маълум бўлишича, шу йилнинг 5 декабрь куни вилоят Фавқулодда Фазиятлар Бошқармаси сўнги йилларда оммавий тарзда йирик шохли ҳайвонларнинг жасадлари ва турли қолдиқлари ташлаб юборилган жой топилгани, мазкур ҳолат ўта хавфли юқумли касалликларнинг эпидемиясига олиб келиши мумкинлигини билдирган экан.

“Бу ерда кўп миқдорда эшак жасадлари, суяклари ҳамда улар атрофида дайди итлар, мушуклар ва ёввойи қушлар борлиги аниқланди”, - дейилади бугун Самарқанд вилояти ҳокимлиги томонидан тарқатилган хабарда. Бундан ташқари, сув ҳавзаси яқинида қўлбола усулда лойдан уйлар ва турли бинолар қурилган бўлиб, суякларни куйдириш учун мўлжалланган қўлбола печ, суяк майдаловчи ясама тегирмон борлиги ҳам аниқланибди.

Тахминларга кўра, бу ерда кўп миқдорда эшаклар сўйилиб, аҳолига мол гўшти ўрнида алдаб сотилган. Самарқандликлар бир неча йиллардан бери эшак гўшти билан озиқланиб келишган.
« Олдинги хабар Хабарлар рўйхати Кейинги хабар »