Кеча ўтказилган ЕИ саммитидан кейин Германия Канцлери Ангела Маркел Украинада қилаётган ишлари учун Россига қарши 2 йил аввал киритилган санкцияларни яна ярим йилга чўзиш ҳақида сиёсий қарор қабул қилингани, бу қарорни амалга ошириш бўйича техник механизмлар ишлаб чиқарилишини билдирди.

Бу сўз ўйинларни тушуниш осон эмас. Кўринишидан сиёсий қарор 2 йидан бери давом этаётган санкцияларнинг автоматик давом этишини таъминламайди, қандайдир техник механизмлар ишлаб чиқарилиши керак. Техник механизмлар ишлаб чиқариш принципиал масала бўлмаса, уни гапириб ўтиришни ҳам кераги йўқ эди-ку. Хуллас, ҳамма ёқда сўз ўйинлари.

Охирги 5 йилда Давлат Думасининг Ташқи Алоқалар Қўмитаси раиси бўлган, яқинда сенаторликка ўтказилган Алексей Пушков ўз Твиттерида шундай ёзув қолдирибди: “ЕИ лидерлари Россияга қарши санкцияларни ярим йилга узайтирдилар. Бу узайтириш охирги марта бўлаётганга ўхшайди, ёзда шароит кескин ўзгаради ва санкияцилар йўқ бўлади”.

Савол туғилади: Пушков нимага асосланиб бундай демоқда?

Яна сўз ўйинлари. Аммо, кўп нарса АҚШнинг янги президенти Доналд Трампнинг сиёсатига боғлиқ бўлиши аниқ. Пушков Трампдан бир нарсалар кутмоқдами? У Россияга нисбатан АҚШнинг сиёсатини юмшатмаслиги аниқку.