Шавкат Мирзиё ҳаракатда: Бир қатор вазирликларга янги раҳбарлар тайинланди, мақсад - Ўзбекистонни йўқ қилишми?

Кеча Суннатулла Бекенов мамлакатимизнинг Иқтисодиёт вазири этиб тайинланди. Қозоқ миллатига мансуб 45 яшар бу одам шу пайтга қадар вазирнинг Макроиқтисодий параметрлар, молия-валюта баланси ва Республика инвестиция дастурлари масалалари бўйича биринчи ўринбосари бўлиб келган.

Ўзбекистон Молия вазири, марҳум Ислом Каримнинг эҳтимолий вориси деб келинган Рустам Азим лавозимидан бўшатилди ва унинг ўрнига Ботир Хўжаев вазир этиб тайинланди.

Шунингдек, бугун Самарқанд вилоятининг ҳокими бўлиб ишлаб келаётган Зоир Мирзаев Ўзбекистон Қишлоқ ва сув хўжалиги вазири этиб тайинланди. Собиқ вазир Шуҳрат Тешаевга қандай иш берилгани номаълум.

Нима бўлганда ҳам, Шавкат Мирзиё ўз тушунчалари доирасида қандайдир янгиликлар қилиш ҳаракатида эканлиги шубҳасиз. Аммо, у ҳозирча бор кадрларнининг ўрнини алмаштириш билан овора. Бунақа ишдан нима натижа чиқииши эса, аввалдан маълум. Бу кетишда Шавкат Мирзиё Ислом Карим қилиб улгурмаган ишни қилади ва Ўзбекистон йўқ бўлади. Аммо, ўзбеклар кўзини очиши ва бунга йўл бермаслиги керак.