12 December 2016
20:06 - Рязанда 5 нафар ҳамюртимиз фожиали ҳалок бўлди
Россиянинг Рязань вилоятидаги "Каспий" автомагистралида рўй берган автоҳалокат натижасида 5 нафар ўзбекистонлик меҳнат муҳожири ҳалок бўлди. Life.ru нашрига кўра, ҳалокат М-6 трассасининг 268 километрида содир бўлган. Ўзбекистонликлар ичида бўлган "Фольксвагаен-жетта" атомобили ҳайдовчиси бошқарувни йўқотиб, рўпарадан келаётган "МАН" ёнилғи ташувчи юк автомобига бориб урилган. Енгил машинадаги беш нафар ўзбекистонлик воқеа жойида ўлган.

Ҳалокат пайтида 40 куб метр бензин юклаган автомобил пачоқ бўлган, лекин портламаган. Автомобиль ҳайдовчисига жиддий шикаст етмаган. Хабарда айтилишича, фожиали ҳалок бўлган юртдошларимиз: С. Абдулоев (1983 й.т.), Р. Саноев (1970 й.т.), А. Усмонов (1970 й.т.) ва П. Мардонов (1995 й.т.). Яна бир кишининг исми-шарифи эса ҳозирча аниқланмаган.
« Олдинги хабар Хабарлар рўйхати Кейинги хабар »