26 November 2016
06:04 - Туркияда 25 ИШИДчи қўлга олинди, уларнинг 2 нафари Ўзбекистон фуқароси
“Миилиёт” газетаси Террорга қарши курашиш мудирлигининг Истанбул бўлими тарқатган хабарга асосланиб билдиришича, октярь ойининг охирларида бу мудирлик ходимлари Туркиянинг Сурия билан чегараларига яқин бўлган Ғозиантеп, Шонлиурфа ва Айдин вилоятларида операциялар ўтказиб, ИШИДга одам ёллаш ва ёллангаларни Сурияга жўнатиш билан шуғулланган 25 кишини қўлга олганлар. Уларнинг 12 нафари Россия, 8 нафари Туркия, 2 нафари Озарбайжон, 2 нафари Ўзбекистон ва биттаси Тожикистон фуқароси экан.

Уларни қўлга олиш пайтида, улар яшайдиган жойларда таркибида гиёҳванд моддалар бўлган дорилар, турли тилларда ёзилган ҳужжатлар, дискларга ёзилган материаллар ва анчагина қурол топилган.

Ҳеч шубҳа йўқки, ҳали қўлга олинмаган бундай гуруҳлар Туркия ва бошқа мамлакатларда етарлича бор, дейди мухбиримиз. Одамзод ислом терроризмининг илдизлари Қуръоннинг хато тафсири асосида яратилган ва ҳозир Ислом дини тарафидан қабул қилинган тушунчаларда эканлигини тушуниб етиб, Ислом динига бундай хато тушунчалардан тозаланишда ёрдам бермаса, ислом терроризми битмайди.
« Олдинги хабар Хабарлар рўйхати Кейинги хабар »