Финляндия парламенти ҳукуматга Ўзбекистонга қурол сотгани учун норозилик билдирмоқда. Депутатлар назарида инсон ҳуқуқлари топталувчи мамлакатларга қурол-яроғ сотиш мақсадга мувофиқ эмас. Депутатлар мамлакат ҳукуматидан бу борада изоҳ талаб қилишмоқда. Айни пайтда Финляндия ҳукумати ўзи ўрнатган экспорт сиёсатини бузмаганини таъкидламоқда.

Можарога Хельсинкида чоп этиладиган Helsingin Sanomat газетасида чоп этилган мақола сабаб бўлган. Мухбирлар ўтган йилнинг июнь ойида финнларнинг Sako заводларидан Туркманистонга 3 турдаги милтиқлар синов учун юборилгани, мамлакат Мудофаа вазирлиги аллақачон Ўзбекистонга жами 150 дона снайпер милтиғи ва унга зарур бўлган аслаҳа етказиб берганини аниқлаган.

Таъкидлаш керак, Европа Иттифоқи Андижон воқеаларидан сўнг Ўзбекистонга нисбатан қурол-яроғ эмбаргоси эълон қилган ва уни 2009 йилда бекор қилган.

Мухбиримизга кўра, Фин депутаталарининг бундай ҳаракатини жиддий деб бўлмайди. Финландия билан бирга Европада Хавфсизлик ва Ҳамкорлик Ташкиотининг аъзоси бўлган Ўзбекистон ва Туркманистонда инсон ҳуқуқлари оммавий паймол қилинмоқда, "Бирлик" Халқ Ҳаракати Партияси рўйхатдан ўтиш учун 12 йил аввал ҳужжатларини Адлия вазирлигига топширган бўлса ҳам, ҳалигача рўйхатдан ўтказилмади. Фин депутатлари шу каби масалалар билан шуғуллансалар яхшироқ бўларди.

Бундан ташқари, 2010 йил июнь ойида қирғиз фашистлари 3 кунда 300 ўзбекни ваҳшийларча ўлдирганлари Финландиялик депутат раислигидаги Мустақил Халқаро Комиссия тарафидан исботланган. Аммо, бу Коммисиянинг ҳисоботини Қирғизистон парламенти рад этиб, Комиссия раисини умрбод Қирғизистонга киритмаслик қарори чиқарган эди. Фин парламенти шу масалани ҳам тилга олиши керак. Буни қилиш ҳеч қачон кеч эмас.

Ўзбекистон давлати ва ўзбеклар ҳам бу фожеа билан ишлари йўқлиги ҳеч қачон кечирилмайди. Тожик аслли Ислом Карим режими ўзбекларнинг миллат сифатини йўқотиб, уларни подага айлантиролгани ҳам шармандалик ва жинояткорона факт сифатида тарихда қолади.