30 October 2016
07:17 - АҚШ Абдураҳим Пўлатнинг башорат ва таклифлари билан яшашга ўрганмоқда, Ўзбекистон ҳукумати буни қачон ўрганади
Аввалги хабарларимиздан маълумки, “Бирлик” лидери Абдураҳим Пўлат 2012 йили ўша замоннинг Давлат Котиби Ҳиллари Клинтонга ёзган хатида Кубани 60 йилдан бери изоляция қилиш сиёсати хато бўлганини тилга олганидан кейин, АҚШ Куба билан дипломатик алоқаларни тиклади ва уни изоляция қилиш сиёсатидан воз кечди. Яна айнан Абдураҳим Пўлатниннг таклифидан келиб чиққан АҚШ ҳукумати Мисрда қамалиш хавфи остида АҚШнинг Қоҳирадаги элчихонасига яшириниб олган америкалик гўёки ҳуқуқ ҳимоячиларини, Мисрга қарши дўқ-пўписаларини тўхтатиш ва Мисрга 3 миллион доллар пул бериш эвазига, АҚШга қайтариб олиб келганди.

Кеча АҚШ Давлат Департаменти Истанбулдаги ўз консуллиги ходимларининг оилаларини мамлакатга қайтариш ҳақида қарор чиқарди. Сабаб сифатида бу шаҳарда террор хавфи кучаётгани кўрсатилди.

Маълумки, Абдураҳим Пўлат ўтган йилнинг бошида АҚШ Президенти Барак Обамага ёзган хатида ислом терроризмининг маркази Туркия ва Марказий Осиёга кўчишини башорат қилган эди. Айнан шундай бўлмоқда. Буни америкаликлар ҳам тушунишга бошлашгани мақтовга сазовордир.

Ўзбекистон раҳбарлари ҳам шу йўлдан боришлари керак, қолаверса, бошқа йўллари ҳам йўқ. Чунки, Абдураҳим Пўлат 3 кун аввал вақтинча президент Шавкат Мирзиёга ёзган хатида Ўзбекистонни ҳозирги оғир аҳволдан “Бирлик”нинг иштирокисиз чиқариб бўлмаслигини феълан исботлаб берган эди.
« Олдинги хабар Хабарлар рўйхати Кейинги хабар »