09 October 2016
01:28 - Бечора мусулмонларнинг аҳволи: Яманда дафн маросимида иштирок этаётганлар бомбаланди, 140 дан кўп мусулмон ўлдирилди, 500 дан кўпи ярадор
Тўғрироғи, бу воқеа дафн маросимидан кейин бўлган. Ҳозир одатга айланиб, бир марҳум кўмилгач, унинг яқинлари биронта ресторанда дуолар ўқиб ва ўқитиб, таъзиялар қабул қилаётган бир пайтда, ўша ерга ҳарбий учоқлар билан бомбали ҳужум бўлган. Ҳозир шиаларнинг хусийлар оқими ҳокимиятда бўлган Яманнинг расмийларига кўра, бомбали ҳужум суннийларнинг Саудия Арабистони лидерлигидаги коалицияси тарафидан уюштирилган.

Туркияда чиқадиган энг катта “Миллиёт” газетаси ҳам Ямандаги El-Mesira телеканалига асосланиб хабар қилишича, хусийларнинг лидери Али Абдуллоҳ Солих лидерлик қилаётган Яман давлатининг пойтахти Сана шаҳрида юз берган бу қонли воқеада камида 140 киши ҳалок бўлган, бошқа хабарларда ярадорларнинг сони 500 дан ҳам кўплиги айтилмоқда.

Расмда - ўша бомбаланган жой.
« Олдинги хабар Хабарлар рўйхати Кейинги хабар »