05 October 2016
19:43 - Россия Давлат Думасининг янги сайланган таркиби иш бошлади, унинг янги спикери – Путиннинг югурдаги Вячеслав Володин
Россия парламенти – Федерал Мажлисининг қуйи палатаси бўлган Давлат Думасининг 18 сентябрда сайланган янги таркиби бугун ўз ишини бошлади. Очилиш Президент Путиннинг нутқи билан бошланди. Унинг умумий гаплардан иборат нутқида эслатишга арзийдиган биронта нарса ҳам йўқ.

Шундан кейин Давлат Думаси ўзига спикер, яъни раҳбар сайлади. Янги спикер Вячеслав Володин (расмда) кўп йиллардан бери Давлат Думасида, Россия ҳукуматида, Путиннинг “Бирлашган Россия” Партиясида юксак лавозимларда ва кейинги 5 йил эса, Президент Идораcи раисининг биринчи ўринбосари вазифасида ишлаб келган. Яъни, у Путиннинг ишончли югурдакларидан биридир.

Давлат Думасининг бундан аввалги раиси Сергей Наришкин бугун Путин томонидан Россия Федерацияси Ташқи Истиҳборат (Разведка) Хизматининг директори этиб тайинлангани ҳам кўрсатмоқдаки, Россиянинг сиёсий саҳнасидаги юксак лавозимли одамлар, Путиннинг ўзидан бошлаб, разведка органлари билан боғлиқлар. Вячеслав Володин ҳам разведка органлари билан яширин йўллар билан боғланган бўлса керак.
« Олдинги хабар Хабарлар рўйхати Кейинги хабар »