04 October 2016
02:55 - Қизиқ: Владимир Путин бугун кечаси Остонага келди
Москвада маҳаллий вақт билан ярим кечасига яқин тарқатилган расмий хабарларга кўра, Россия Президенти Владимир Путин Остонгага келган, табиий, Нурсултон Назарбой билан учрашиш учун келган. Остонада вақт ярим кечадан ҳам ошган бўлгани ва ахборот воситалари уйқуда эканлиги сабабли бўлса керак, қозоқларнинг расмий ахборот воситаларида ҳали бу ҳақда хабар йўқ.

Икки лидер мамлакатлараро муносабатлар ва Евросиё Иқтисодий Иттифоқи доирасидаги интеграцион ҳамкорлик масалаларини муҳокама қилишар эмиш. Хабарлардан бундан бошқа тафсилотлар йўқ. Ўзаро музокаралардан кейин Путин ва Назарбой икки мамлакатнинг катта тадбиркорлари иштирокида ўтказиладиган бизнес-форумда иштирок этар эканлар.

Бундан ҳам қизиғи, Путин Остонадан Москвага қайтиши хабарда алоҳида урғуланишидир. Яъни, Путин Остонга йўл-йўлакай кириб ўтаётгани йўқ, аксинча, муҳим мавзуларни гаплашиш учун Нурсултон Назарбойнинг олдига келмоқда.

Русларнинг расмий «Новости» агентлигининг хабаридаги расм аввалги учрашувлардан бирида олинганга ўхшайди. Чунки, расм кундуз куни олингани кўриниб турибди.
« Олдинги хабар Хабарлар рўйхати Кейинги хабар »