13 September 2016
08:31 - АҚШда президентликка номзод Ҳиллари Клинтоннинг соғлиги атрофида гап-сўзлар кўпайиб кетди
Ҳамма нарса Ҳиллари Клинтон 2001 йил 11 сентябрь куни Нью-Йоркда ва Вашингтонда уюштирилган терактларнинг 15 йиллигига муносабати билан ўтган якшанба куни Нью-Йоркда ўтказилган теракт қурбонларини хотирлаш маросими пайтида ўзини ёмон ҳис қила бошлаши, у ўзини олиб юрадиган автомобиль олдига қўриқчилари ёрдамида ўзи юриб етиб борса ҳам, автомобилга ўтириш олдидан ҳушидан кетиб йиқилиши билан бошланди.

Аввалига унинг тақимидагилар уни офтоб урганини айтдилар, аммо кейин гипертония бўлганини тан олдилар. Унинг асосий рақиби Доналд Трамп ўз одамларини бу воқеа тўғрисида ортиқча гапирмасликка чақириб, жентенменлик қилгандай бўлди. Аммо, ахборот воситалари бундай воқеанинг ёритишдан ҳам кўпроқ, турли миш-мишлар тарқатишдан ўзларини тўхтатолмадилар.

Нима бўлганда ҳам, кўринишидан, Ҳиллари Клинтоннинг қандайдир касаллиги борга ўхшамоқда. Аммо, Ҳиллари Клинтон каби ёши 69 га яқинлашиб келаётган ҳар қандай одамнинг соғлиғида қандайдир муаммолар бўлиши мумкин, муҳим бўлгани, бундай касаллик Ҳиллари Клинтоннинг президентлик йўлида жиддий тўсиқ бўлиш ёки бўлолмаслигида. Ҳиллари Клинтоннинг эри Билл Клинтон ўз турмуш ўртоғининг эскидан сувсизланиш касаллиги борлигини, бунинг сабаби – Ҳиллари жуда кўп, муккасидан кетиб ишлаши эканлигини очиқлади.

Умумий хулоса шундан иборатки, бу воқеа бир неча кундан кейин ҳамманинг эсидан чиқади, 8 ноябрда бўладиган сайловгача икки номзод бир-бирини шок терапияси усуллари билан, яъни етарлича қўпол шаклда, танқид қилишни давом этаверадилар. Аммо, “Ҳаракат” башорат қилаётгандек, АҚШнинг навбатдаги президенти Доналд Трамп бўлади.

Расмда – Ҳиллари Клинтон Нью-Йоркдаги маросимда ҳушидан кетиб йиқилгач, қизининг уйида бироз ўзига келиб, у ердан айрилмоқда.
« Олдинги хабар Хабарлар рўйхати Кейинги хабар »