21 August 2016
01:11 - Рио-2016 олимпиадасида яна бир ўзбекистонлик муштлашувчи кумуш медали олди
Бир оз аввал ўзбекистонлик боксчи Бектемир Мелиқўзиев 75 килограммгача бўлган вазн тоифаси бўйича финалда кубалик Арлен Лопесга ютқазиб, кумуш медалли бўлди.

Бундан ташқари, каноэчиларимиз Герасим Кочнев ва Серик Мирбеков ҳамда боксчиларимиз Шаҳобиддин Зоиров ва Фазлиддин Ғоибназаров финалга чиққанлар. Демак, камида яна 3 кумуш медал, омад келса, 3 олтин медал оламиз.

Шундай қилиб, ҳаммаси бўлиб 9 та медалга эга бўлган ҳамюртларимиз умумжамоа ҳисобида 30-чи ўринга кўтарилиб, 17 медал билан 21-чи ўринда ўтирган Қозоғистонга яқинлашиб бормоқдалар.

Расмда Бектемир Мелиқўзиевни финалга чиқиш йўлидаги муштлашувларидан бирида кўрмоқдасиз.
« Олдинги хабар Хабарлар рўйхати Кейинги хабар »