Шу йил 20 июнда июнда Республикачилар Партиясининг президентликка номзоди бўлиши аниқ бўлиб қолган Доналд Трамп ўз Сайлов Штаби раҳбари Кори Левандовскини кутилмаганда Пол Манафортга (Paul John Manafort, Jr.) алмаштирганди. 67 ёшли бу киши танқли лоббист ва политехнолог бўлиб, АҚШда бир неча президентлика номзодларнинг сайлов штабларида ишлаганидан ташқари, Украина Призиденти Виктор Януковичга маслаҳатчи ҳам бўлган экан.

Мана орадан 2 ой ўтди. Бу вақт ичида АҚШ оммавий ахборот воситалари Пол Манафорт Украинада катта миқдорда ноқонуний пул топгани, Виктор Янукович раҳбари бўлган Регионлар Партияси берган $2,2 млн пулни яширинча Киевнинг манфаатларини Вашингтонда ҳимоя қилиши керак бўлган АҚШдаги лобби ширкатларига ўтказишда иштирок этгани ҳақида хабарлар тарқатдилар. Пол Манафорт бунга қарши жим қолди, демак, у ростдан ҳам қинғир ишларга қўл урган.

Шу сабабдан бўлса керак, бугун эрталаб Пол Манафорт истеъфога чиқиши ҳақида ариза берибди, Доналд Трамп дарҳол уни қабул қилибди. Ҳеч шубҳа йўқки, улар шундай қилиш ҳақида биргаликда келишиб олишган.

Пол Манафортнинг бундай шармандалача кетказилишида Ҳиллари Клинтоннинг сайлоп штаби ўз ролини ўйнагани ҳам айтилмоқда. Бўлиши мумкин, дейди мухбиримиз, аммо ҳар қандай одамнинг ростдан ҳам қилинган қинғир ишларини фош қилиш – демократия ва ошкораликка асосланган тузимлардаги муҳим ва керакли қуролидир.

“Ҳаракат” Агентлиги Доналд Трампнинг, айниқса, мусулмон муҳожирларга нисбатан ишлатилган қўпол фикрларининг муаллифи айнан Кори Левандовски бўлганини ҳисобга олиб, Доналд Трамп 8 ноябрда бўладиган президент сайловигача ўз тарафдорларининг сонини кўпайтириш учун, аввалги қўпол гапларидан воз кечиб, дипломатикроқ усулда гапиришга ўтиши кераклигини урғулаган ва Пол Манафорт айнан шу вазифини бажаришга чақирилган бўлса керак деб тахмин қилган эди.

Демак, Доналд Трамп энди Пол Манафорт ўрнига бошқа одам топиши керак бўлади. Вақт эса оз қолмоқда.