17 August 2016
23:01 - Ислом Карим борлигини кўрсатиш учун Корея вазирини қабул қилди
Ўзбекистон президенти Ислом Карим бугун Оқсаройда Корея Республикаси давлат бошқаруви ва ички ишлар вазири Хон Юн Сукни қабул қилди. Бу ҳақда хабар қилган Ўзбекистон Миллий Ахборот Агентлигига кўра, давлат раҳбари меҳмонни мамлакатга ташрифи билан қутлаб, Ўзбекистон Корея Республикаси билан стратегик шериклик муносабатларини юксак қадрлашини ва бу муносабатларни янада мустаҳкамлашга алоҳида эътибор қаратишини таъкидлабди.

Хон Юн Сук самимий қабул учун давлат раҳбарига миннатдорлик билдириб, Корея Республикаси Ўзбекистон Республикаси билан кенг кўламли ва ўзаро манфаатли ҳамкорликни ҳар томонлама ривожлантиришга тайёр эканини таъкидлабди.

Кўриниб турибдики, Ўзбекистон президенти Кореянинг вазири билан учрашиши учун ҳеч қандай жиддий сабаб бўлмаган, у ўзининг борлигини кўрсатиш учунгина шундай иш қилган.

Расмий хабарларда ҳар доимгидек, мезбон ва меҳмоннинг биргаликда тушган расми ҳам йўқ. Кўзойнакли вазирнинг олдида ўтирган киши Корея Республикасининг Тошкентдаги элчиси бўлса керак.
« Олдинги хабар Хабарлар рўйхати Кейинги хабар »