Мухолифатга яқинлиги билан билинган ахборот воситалари хабар қилишича, 15 август куни Озорбайжон Бош Прокуратураси бу мамлакатдаги Фатхулла Гулен тарaфдорларига қарши жиноий иш бошлабди. Бу жиноий ишга доир тафсилотлар ҳали эълон қилинмаган бўлса ҳам, бу ишнинг марказида Озорбайжон Халқ Жабҳаси Партиясининг лидери Али Керимли тургани айтилаётгани жуда қизиқдир.

Қизиққина эмас, ҳақиқий демократик партиянинг лидери Али Керимли исломчи-фанатик Фатхулла Гулен тарафдори эканлиги ҳақида гапиришнинг ўзи кулгилидир, дейди мухбиримиз.

Бундан бир неча кун аввал “Ҳаракат” Агентлиги Бокуда Россия, Эрон ва Озорбайжон президентларининг учрашувига таҳлил берар экан, “Озорбайжон, Россия ва Эрон президентлари қўшма баёнот имзоладилар, Ғарбга қарши Туркия ҳам қўшиладиган Иттифоқ яратилмоқдами?” деб ёзган эди. Бу саволга ҳали жавоб йўқ, бироқ, Озорбайжон Президенти Илҳом Алиев туркиялик ҳамкасбининг изидан кетаётгани кўриниб турибди.