12 August 2016
22:25 - Cенсация: Дональд Трамп Ўзбекистонни тилга олди ва террорчи-давлатлар қаторига киритди
АҚШ президентлигига номзод Дональд Трамп Мэн штатида ўтказилган митинг давомида Америка Қўшма Штатларида ўзбекистонликларни кўришни истамаслигини айтди. Кейин эса йиғилганлардан масхарабозларча “Ўзбекистон ўзи қаерда жойлашган?” дея сўраган.

The Washington Post нашрига кўра, Трамп "Биз террорчи-давлатлар фуқароларига АҚШга кириб келишга рухсат бердик, бундай қилмаслик керак эди, чунки сиз уларни текшириб кўра олмайсиз. Уларнинг ишончлилик даражасини аниқлашнинг имкони йўқ. Улар кимлиги ҳақида бирор тушунчага эга эмассизлар. Улар ҳамма вақт улкан "троян оти" бўлиб чиқиши мумкин", - деган.

Ислом Карим тарафидан яккамоховга айлантирилган Ўзбекистонни ҳозир биладиган одамлар, ҳатто сиёсатчилар, жуда кам, дейди мухбиримиз. Ҳозир кўпчилик Марказий Осиё деганда Қозоғистонни тушунмоқда. Шундай экан, Доналд Трамп нимага Ўзбекистонни эслаб қолди?

Тахмин қилиш мумкинки, унинг маслаҳатчилари акромийчи террористларнинг катта бир гуруҳи 2005 йилдаги Андижон воқеаларидан кейин АҚШга олиб келингани, АҚШнинг бир қатор нодавлат ташкилотлари уларни қўлларида кўтариб юрганлари ҳақида маълумот берган бўлишлари мумкин. Аслида, президент бўлиши кун сайин аниқлашиб бораётган Доналд Трамп Ўзбекистонни тилга олганидан ўзбекларнинг боши осмонга етиши керак.
« Олдинги хабар Хабарлар рўйхати Кейинги хабар »