11 August 2016
19:33 - Украина Қримда террор масаласини БМТнинг Хавфсизлик Кенгашида муҳокама қилинишига эришди
Россия расмийлари, жумладан, Президент Владимир Путин Қримда террористик актлар қилиш учун гўёки Киевдан юборилган диверсантлар гуруҳи 7 август куни кечаси Қримнинг Армянск туманида ушлангани ҳақида гапиришга бошлаганларидан кейин, Украина бу иддаоларни расман ёлғонлаган ва бу масалани БМТнинг Харфсизлик Кенгаши мажлисига олиб чиқишга ҳаракат бошлашга тайёр эканлигини эълон қилган эди. Ҳозир айнан шундай бўлмоқда.

Украинанинг талаби билан БМТнинг Хавфсизлик Кенгаши шу дақиқаларда бу масалани ёпиқ эшиклар орқасида муҳокама қилмоқда. Маълумки, Россия Хавфсизлик Кенгашининг ҳар қандай қарорга вето қўйиш ҳаққига эга бўлган доимий аъзосидир. Демак, бу мажлисда Россияга қарши ҳеч қандай қарор қабул қилинмайди. Аммо, 15 аъзолик Хавфсизлик Кенгашининг кўпчилиги Россиянинг иддаоларида исботланган далиллар йўқлиги хусусида келишса, Владимир Путин шарманда бўлади.
« Олдинги хабар Хабарлар рўйхати Кейинги хабар »