Аввалги хабарлармизда республикачилар ва демократлар партияларининг номзодлари ўртасидаги пойгада Ҳиллари Клинтон олдинда кетаётгани, Reuters Агентлиги ўтказган сўровнома натижаларига кўра, Ҳиллари Клинтонга овоз бериш тарафдорлари Доналд Трамп тарафдорларидан 13 фоиз кўплигини билдирган эдик.

Кейин, бу фарқ камайишга бошлади ва 25-29 июль кунлари 1043 кишининг иштирокида ўтказилган сўнги сўровномаларнинг натижаларига кўра, фарқ 6 фоизга тушди. Яъни, ўша кунлари америкалик сайловчиларнинг 41 фоизи Ҳиллари Клинтонга, 35 фоизи Доналд Трампга овоз беришга тайёр эканлиги маълум бўлди.

Reuters Агентлигининг 29 июль – 4 август кунлари 1154 кишининг иштирокида ўтказилган сўнги сўровнамаси натижаларига кўра, бу фарқ энди 3 фоизга тушибди. Бугун сайловчиларнинг 42 фоизи Клинтонга, 39 фоизи Трампга овоз бермоқчи экан.

Reuters Агентлигининг мухбирлари бундай ўзгаришларнинг сабаби номаълум дейишибди. Агар, улар ўзбек тилини ўрганиб, “Ҳаракат”нинг хабарларини ўқиб боришса эди, бундай ўзгаришларнинг сабабини аллақчон тушунишган бўларди. Сабаб эса аниқ – Трамп шок терапияси усуллари билан бўлса ҳам, АҚШнинг ҳозир мавжуд бўлган муаммоларига ва уларниннг ечим йўлларига ҳамманинг диққат-эътиборини тортмоқда. Муаммоларнинг ўртага қўйилиши эса, ечимнинг ярмисидир.