07 August 2016
08:22 - XXXI Олимпиада ўйинларининг очилишилда шарманда бўлган спортчиларимиз биринчи ғалабага эришдилар
Бразилиянинг собиқ пойтахти Рио-де-Жанейрода 5 авугист куни кечқурун XXXI Олимпиада ўйинлари расман очилганда, ўзбекистонлик спортчилар қандай шарманда бўлганини расмдан кўриш мумкин. Қаранг, уларнинг биронтасининг қўлида Ислом Каримнинг расми йўқ. Наҳотки, аҳмоқ спортчиларимиз тушунишмайдики, бу одам бўлмаса, Ўзбекистон мустақил бўлолмасди, ўз байроғимиз бўлмасди, Ўзбекистон термаси Риога боролмасди, Баҳодир Жалолов Ўзбекистон байроғини кўтариб юролмасди.

Лекин, нима бўлса ҳам, ўйинлар бошланди. Олимпиадада қатнашаётган мамлакатлар ўз спортчилари қўлга киритган медалларни санашга ҳам бошлашди. Масалан, ўрислар биринчи олтин медални қўлга киритганларидан хурсандлар, Қозоғистон дзюдо бўйича битта кумуш ва битта бронза медали олишга улгурибди.

Ўзбекистон ҳам қуруқ қолмади, биринчи ғалабага эришдик, ихчамгина полвонимиз Диёрбек Ўрозбоев оғирлиги 60 килограмгача бўлган дзюдочилар ичида учинчи ўринга чиқиб, бронза медали олди.

Дарвоқе, аҳолиси 31 млн бўлган Ўзбекистондан 69 спортчи, аҳолиси биздан 2 баравар кам бўлган Қозоғистондан 105 спортчи Олимпиадада қатнашмоқда. Аҳолиси биздан 3,5 баравар кам бўлган Озорбайжон эса, 55 спортчи юборибди.
« Олдинги хабар Хабарлар рўйхати Кейинги хабар »