05 August 2016
18:49 - Ўзбекистонда йиғилган янги модель автомобилчаларнинг илк партияси Қозоғистонга жўнатилди
Ўзбекистон расмийлари тарқатган маълумотга кўра, Аскакдаги автозаводда йиғилган R2 машинасининг дастлабки партияси Олмаотага етказилди. Айни пайтда қозоқ бозорига Chevrolet Aveo моделининг янги кўриниши бўлган Nexia R3 модели ҳам киритилмоқда. Таъкидлаш жоиз, General Motors автоуловлари орасида R3 "Эра-Глонасс" (аварияли вазиятларда фавқулодда жавоб қайтариш тизими) модули сертификатига эга бўлган биринчи модель ҳисобланади.

Шу йил охирига қадар Ravon русумидаги мазкур машиналарни Украинага етказиш ҳам кўзда тутилган. Россияга шу йил баҳорида автомобилларни етказиб беришдаги хатолар ҳисобга олинган ҳолда ширкат логистика ва экспортни такомиллаштириш учун бир қатор чоралар ишлаб чиққан.

Тўғрисини айтиш керакки, дейди мухбиримиз, Асакада чиқарилаётган автомобилларни автомобилчалар дейиш лозим. Чунки, улар жуда кичкина. Аммо, Қозоғистондек бой мамлакатда камбағаллар ҳам бор, уларга айнан бизнинг автомобилчалар зарур.
« Олдинги хабар Хабарлар рўйхати Кейинги хабар »