05 August 2016
17:43 - Ўрисларнинг МТСи Ўзбекистон билан хайрлашмоқчи, унинг ўрнида Universal Mobile Systems қоладими?
Бундан бир муддат аввал Россиянинг МТС компанияси тарафидан Ўзбекистонда ташкил қилинган Universal Mobile Systems (UMS) қўшма корхонаси сармоядорлари таркибидан чиқиши мумкинлиги ҳақида маълум қилганди. Одамлар ичида МТС ўрнида ташкил қилинган "Universal Mobile Systems" мобиль оператор ўз фаолиятини тўхтатиши ҳақида узун-қулоқ гаплар кўпайди. Шу муносабат билан "Universal Mobile Systems" мобиль оператори ўз мижозларига 2029 йилгача қадар лицензияси мавжудлиги, МТС эса ўз активларини олиб кетаётганини эълон қилди.

UMS мулозимларининг айтишича, МТСнинг энди уларга алоқааси йўқ, компания мобиль операторнинг барча хизматларини кўрсатиш, янги мижозларни улаш ва амалдаги мижозларга хизмат кўрсатишни ҳамда ўзининг узоқ муддатли ривожланиш стратегиясини барча йўналишлар бўйича амалга оширишни давом эттираверади.

Маълумки, Ислом Каримнинг Фуҳуша лақабли қизи Гулнора шведлардан 300 миллион доллар атрофида пора олиб, МТСнинг Ўзбекистондаги ширкати “МТС-Ўзбекистон”ни шведларга соттириб юборганди. Кейинчалик Путинни ҳам бу ишга аралаштириб, МТС Ўзбекистонга қайтишга муваффақ бўлди, UMS қўшма ширкатини яратди. Энди нима бўлди? Тахмин қилиш мумкинки, МТС барибир ўзига Ўзбекистонда энди жой йўқлигини тушунди ва ўша пайтда йўқотган пулларини Ислом Каримга тўлаттириб, энди биз билан хайрламоқчи.

Расмда UMS ширкатининг логосини кўрмоқдасиз, МТСнинг логосида UMS ўрнида МТС ёзилганди.
« Олдинги хабар Хабарлар рўйхати Кейинги хабар »