Доналд Трамп Республикачилар Партиясининг, Ҳиллари Клинтон Демократик Партиянинг президентликка расмий номзод этиб сайланганидан кейин президентлик пойгаси ҳал қилувчи босқичга кирди.

Аввалги хабарларимизда Reuters Агентлиги ўтказган сўровномаларнинг натижаларига кўра, ҳозирча америкаликлар ўртасида Ҳиллари Клинтонга овоз бериш истагидагилар кўпчиликни ташкил қилаётгани, аммо фарқ камайиб бораётганини билдирган эдик. Аввалига фарқ 13 фоиз эди, 15 июлдаги сўровномаларга кўра, бу фарқ 7 бўлганди.

Reuters Агентлиги бироз аввал эълон қилишича, 25-29 июль кунлари 1043 кишининг иштирокида ўтказилган сўнги сўровномаларнинг натижаларига кўра, америкалик сайловчиларнинг 41 фоизи Ҳиллари Клинтонга, 35 фоизи Доналд Трампга овоз беришга тайёр. 25 фоиз сайловчилар бошқа номзод ҳақида ўйламоқдалар.

Кўриниб турибдики, ўтган 2 ҳафата ичида Клинтон ва Трамп ўртасидаги фарқ яна бир фоизга тушган, яъни энди фарқ 6 фоизга тенг.

8 ноябрда бўладиган сайловга ҳали 3 ойи 1 ҳафта бор. Бу кетишда яна “Ҳаракат”нинг башорати тўғри чиқади ва АҚШнинг навбатдаги президенти Доналд Трам бўлади.