Шу йилнинг 27 июль куни Ўзбекистон Миллий Хавфсизлик Хизматининг Самарқанд вилояти бошқармаси тезкор вакиллари томонидан Самарқанд давлат Тиббиёт институти қабул комиссияси вакили Шуҳрат Жўраев 27 минг АҚШ доллари миқдорида пора олаётган пайтда ҳибсга олинди. 30 яшар Шуҳрат Жўраев институтнинг Ахборот технологиялари бўлими бошлиғи, институт ректори Азамат Шамсиевнинг “ғазначи”си эди.

Шу пайтга қадар абитурентлардан бир неча ўн минглаб АҚШ доллари миқдорида пора олиб, ректорга узатган Жўраев институтнинг “Тиббий профилактика” ва “Тиббиёт иши” факультетларига ўқишга олиб кириб қўйиш ваъдаси билан абитурентлардан 12 ва 15 минг АҚШ доллари қийматида пора олган.

Сўнгги 4 йилда мазкур олий ўқув юртида ишлаб келган Жўраев институт ректори Азамат Шамсиев раҳбарлигида ўқишга ҳужжат топширган абитуриентлардан пора олиш учун ноёб схема ишлаб чиққан. Ш.Жўраев абитуриентлар электрон базасига кириш учун рухсатга эга бўлган ҳамда тест натижалари балларини юқорилатишга эришган.

Ҳозир Шуҳрат Жўраев Самарқанд вилояти МХХ бошқармаси тергов изоляторида сақланмоқда. Унга нисбатан Ўзбекистон Репсубликаси ЖКнинг 210-моддаси 3-қисми (Ўта катта миқдорда пора олиш) билан жиноят иши қўзғатилиб, тергов ҳаракатлари олиб борилмоқда. Сайтимизнинг институтдаги манбаларига кўра, Жўраев институтда ташкил этилган жиноий тўданинг кичик вакилларидан бири бўлиб, тўданинг етакчиси бўлган ректор Азамат Шамсиев жавобгарликдан қутулиб қолмоқда.

Мухбиримизнинг айтишича, Шамсиев аввал ҳам МХХ органи томонидан 35 минг АҚШ доллари миқдоридаги пора билан қўлга олин, аммо Самарқанд вилояти прокурорининг биринчи ўринбосари Азим Облоқуловнинг ёрдами билан жавобгарликдан қутулиб қолган. Табиий, 35 мингнинг катта бир қисми Азим Облоқулов берилган.

Шуҳрат Шамсикв ҳаммага маълум порахўр Шамсиевлар хонадонининг кенжа вакилидир. Жойи келгани учун эслатиш керакки, Жиззах тумани собиқ прокурори Зафар Шамшиев 200 минг АҚШ доллари миқдорида пора олиб, чўтал миқдори бўйича соҳада рекорд ўрнатган.

Бу воқеанинг сенсация эмаслиги шундаки, Ислом Карим таҳбарлигида Ўзбекистонда ҳукмронлик қилаётган тожиклар режими мамлакатимизни порахўрлик ва коррупция ботқоғига ботириб бўлди. Фақат Самарқандда эмас, фақат олий ўқув юртларида эмас, ҳамма ерда порахўрлик ва коррупция гуллаган. Бу касалликни тузатишнинг ягона йўл – жамиятни демократиялаштиришдир.