24 March 2015
20:44 - ЕХҲТ тишини кўрсатди: президент Ислом Каримнинг номзодининг сайловга қўйилиши ғайриқонуний
Европада Хавфсизлик ва Ҳамкорлик Ташкилоти - ЕХҲТнинг Демократик институтлар ва инсон ҳуқуқлари бўйича чекланган кузатув миссиясининг кеча эълон қилинган оралиқ ҳисоботида президент Ислом Каримнинг президентликк номзод сифатида рўйхатга олиниши ва унинг сайловга қўйилишини қонунга зид, деди.

Кузатувчилар таъкидича, Ўзбекистон қонунчилигида бир шахснинг учинчи марта президентликка номзод бўла олмаслиги таъкидланган. Шунга қарамай президент Ислом Карим тўртинчи марта ўз номзодини илгари сурмоқда.

Аммо Марказий Савлой Комиссияси ЕХҲТ кузатувчиларининг мазкур иддаосига “муддат” дегани аниқ йиллар сонини билдириши, илгари президентлик муддати 7 йилни ташкил қилган бўлса, ҳозирда 5 йилни ташкил қилиши билан жавоб берди. Яъни, Ислом Карим янги беш йиллик муддатга эндигина биринчи марта номзодини игари сурмоқда. ЕХҲТ кузатувчилари ҳам бўш келмай 2000 йилда редерендум йўли билан 5 йиллик муддатнинг 7 йилликка алмаштирилганини эслаб, унинг ғайриқонуний равишда президент томонидан 5 йилликка алмаштирилганини таъкидлаган. Яъни, ЕХҲТчиларга кўра референдум берган қарорни референдумгина бекор қилиши мумкин
.
Хуллас, ЕХҲТ ўтмас бўлса ҳам тишини кўрсатди, аммо буни диктаторлик жамиятига айланиб бораётган Ўзбекистонда жиддий қабул қилишаётгани йўқ, дейди мухбиримиз.
« Олдинги хабар Хабарлар рўйхати Кейинги хабар »