Ҳа, айнан шундай. Мени кимдир "Армонларим" номли гуруҳга киритиб қўйибди. Раҳмат. Буни тасодифан билиб қолдим.

Бу гуруҳнинг фақат гуруҳ аъзолари кироладиган Фейсбукдаги саҳифасида қуйидаги сўзлар турибди:

Aziz guruhdowlar bir birimizni behudaga qalbimizni og'ritmay MEHR OQIBATLI BO'LAYLIK

Шу хусусда ўз фикримни ёзиб қўйдим у ерга. Қаранг, чин кўнгилдан айтаман, жуда чиройли сўзлар. Лекин... Ўзбекларда "Ҳамма нарса "лекин"дан кейин бошланади", деган мақол ҳам борлигини эшитгандирсизлар. Юқоридаги сўзлар нафақат чиройли, бунинг устига, тўғридир. Лекин, баъзида "дўст ачитиб гапиради" деган мақолимиздан келиб чиқиб, дўстингизни қалбини вақтинча оғритиб, уни буюк оғриқлардан, ҳатто оғир касалликлардан, ўлимдан сақлаб қолиш мумкинлигини унутмаслик керак. Меҳр оқибатлик бўлиш - иккиюзламачилик дунёсига айланиб кетиш бўлиб қолмасин.

Мусулмонларнинг кўпчилиги иккиюзламачилик билан яшашади, айнан шу сабабдан, мусулмонлар - дунёнинг энг ғариб қисмидир. Сўнги юз йиллардаги кашфиётларнинг биронтаси мусулмонлар тарафидан қилинмади. Ачитиб гапириш замони келмадимикан? Бундай замон келганига анча бўлди. Ҳечдан кўра, кеч яхши. Ачитиброқ гапираверишдан қўрқманглар.