“Эзгулик” жамиятининг 2014 йил ҳисоботи 17 февраль куни АҚШ элчихоначида, элчи Памела Спратлен олиб борган йиғилишда тақдим қилингани ҳақида ўша куниёқ хабар берган эдик ва техник сабаблар билан бу йиғилдишда олинган расмлар бизга етиб келмаганини билдиргандик. Шу расмлар етиб келди. Улардан биттасини ўша 17 февралдаги хабаримизга илова қилдик, уни ҳозир ўқиятган хабарингизда ҳам кўришингиз мумкин.

Расмда тўрдаги қаторда - АҚШнинг Ўзбекистондаги элчиси Памела Спратлен, унинг ёнида “Эзгулик” жамияти раиси Васила Иноятова, ундан кейин жамиятниннг Бошқарув аъзоси Абдураҳмон Ташанов.

Эътибор бериш керакки, “Эзгулик” жамияти Ўзбекистонга ҳақиқий фаолият олиб бораётган ягона инсон ҳуқуқлари ташкилотидир. У бошқалардан фарқли ўлароқ йиғи-сиғи билан овора эмас. “Эзгулик” воқеа ва жараёнларни анализ қилоладиган, хулосалар чиқароладиган, ўз фаолиятнинг камчиликларини тўғри баҳолаб, янги йўллар топиш устида ишлай оладиган ташкилотдир.

Жамиятининг 17 февралда тақдим этилган ҳисоботида тарихда қоладиган нарсалар бор. Бу – сиёсий ҳуқуқ масаласига ва Ислом ақидалари билан мавжуд конституция ўртасидаги қарама-қаршиликни ечиш лозимлигига ҳамманинг диққат-эътиборини тортишдир. Бу икки масала билан шуғулланмасдан дунёнинг энг ёмон 10 та диктаторликлар рўйхатига кирган Ўзбекистонда ҳеч нарсани ўзгартириб бўлмайди. Ўзбеклар ҳам бундай масалаларни тушуниб етиб, “Эгулик”ни қўллаб-қувватлашга ўтмасалар, қулликда яшайверадилар.

Расмни каттайтириш учун уни курсор билан босинг. АҚШ ва Ўзбекистон байроқларига эътибор беринг.